Home Cultura Minister Xiomara Ruiz Maduro ta haci un yamada pa pueblo asisti awe...

Minister Xiomara Ruiz Maduro ta haci un yamada pa pueblo asisti awe na Plaza Betico

38
0
SHARE
- Advertisement -

Pa presencia e di 44 Festival di Dande:

ORANJESTAD (AAN)—Den su calidad di Minister di Cultura, sra. Xiomara Ruiz- Maduro, den conferencia di prensa a extende un invitacion na pueblo, pa asisti na e festivalnan di Dande, cu ta di nos.

E dignatario a expresa cu Aruba ta bendiciona, y sigur cu nos por celebra fin di aña cu tocamento di Dande. “E ta un bendicion sigur pa bo haya un Dande na bo cas of bo negoshi den fin di aña. E ta algo di nos”, e mandatario a reitera, y a referi tambe na e documental cu a wordo traha tocante nos tradicion di Dande, cu ta algo special y unico, y ta masha bunita pa documente pa nos generacionnan nobo pa nan sa kico e ta, y kendenan ta percura pa e keda bibo den nos cultura.

Manera ta conoci e Festival di Dande a cuminza ayera na Centro di Bario Tanki Leendert pa loke ta trata e categoria infantil y hubenil.

E mandatario ta invita pueblo pa acudi awe na Plaza Betico Croes, unda e di 44 Festival di Dande lo tuma lugar, den cual lo duna homenahe na e cantantenan cu a haci Dande importante pa nos pais, y a duna un aporte grandi na e cultura di Aruba.

El a haci un yamada pa nos tur duna sosten na nos cultura cu ta importante y ta haci nos ken nos ta.

- Advertisement -

DUNA COMENTARIO

Please enter your comment!
Please enter your name here