Home Beyeza Miss Aruba Foundation a habri su temporada pa inscripcion

Miss Aruba Foundation a habri su temporada pa inscripcion

37
0
SHARE
- Advertisement -

ORANJESTAD (AAN) – Recientemente Miss Aruba Foundation a tene un recepcion na Azia Restaurant pa habri e temporada pa Srta. Aruba 2018. Na e eleccion aki e  ganadora maximo lo representa Aruba na Tokyo Japon na e di 58 edicion di Miss International na un di e di 3 certamen mas renombra y mas grandi di mundo.

Durante e recepcion a conta cu varios invitado, posibel sponsor y preparadornan di miss y cu presencia di nos actual embahador di beyeza nacional Srta. Aruba Tania Nunes y Miss Earth Aruba Kimberly Wever.

Sr. Isaï Labadie Presidente di Miss Aruba Foundation a anuncia cu pa 2018  lo bin cambio positivo den e certamen y lo conta cu un tremendo team pa cu e certamen.

Inscripcion pa cu participacion pa Srta. Aruba a habri y por hasi esaki di awor caba.

Pa mas informacion pa cu inscripcion pa representa bo distrito y competi pa Srta. Aruba por tuma contacto cu 5971221 of 5672668 email: missarubafoundation@live.com

Miss Aruba Foundation ta gradici Sr. Arnold Mohamed,  Sr. Daniel Ferrara, Sr. Osman Aray di Televen “La  Bomba” pa nan tremendo aporte pa cu e recepcion.

Dia 17 di Februari 2018 lo presenta e candidatanan oficialmente na prensa y certamen final lo tuma lugar 31 di Maart 2018. Esaki lo ta e di 5 Srta. Aruba y pa cu e ocacion aki lo ta conta cu presencia di prensa internacional pa cubri e certamen aki y algun invitado di exterior.

 

- Advertisement -

DUNA COMENTARIO

Please enter your comment!
Please enter your name here