Home General MotorWorld a celebra nan Spantenbier

MotorWorld a celebra nan Spantenbier

16
0
SHARE
- Advertisement -

ORANJESTAD (AAN): Net prome cu bouwvakantie a cuminsa Diaberna 15 December 2017, MotorWorld, conhunto cu contratista Geerman Contractors, a tene nan spantenbier di e edificio nobo di MotorWorld na Camacuri.

E localidad nobo lo brinda tur e servicionan cu Motor World ta ofrece, i.e. nan departamentonan di benta, servicio y parts, bou un solo dak.

MotorWorld, agente exclusivo di e marca Ingles MG, Great Wall/Haval, JAC y Haima, tin su raiz den benta di auto for di aña 1955, tempo cu famia Wong a cuminsa cu e negoshi “Central Garage” cu despues a bira “Wong’s Motor Company.”

Na aña 1962 a cuminsa cu “Autorama Motor Company” cu tabata e agente e tempo ey di e marcanan Volkswagen, Peugeot, Mercedes Benz y Subaru. Den añanan ’70 a bende e negoshi pa concentra riba otro mercado. MotorWorld a mira luz di dia ora na 2009 a cuminsa benta di e marcanan Great Wall y MG.

MotorWorld kier a gradici Caribbean Mercantile Bank y inespecialmente Sr.  Dwight Henriquez pa e confianza poni den MotorWorld y a percura pa e financiamento y tambe na Emil y HJC Engineering, cu awe nos ta mira nos edificio nobo bira realidad.

- Advertisement -

DUNA COMENTARIO

Please enter your comment!
Please enter your name here