Home Turismo Na 2018 KLM ta bin cu un vuelo semanal adicional

Na 2018 KLM ta bin cu un vuelo semanal adicional

188
0
SHARE
- Advertisement -

ORANJESTAD (AAN) – Industria turistico ta sigui cosecha desaroyonan positivo pa nos destinacion, e biaha aki for di e sector di aviacion.

E aerolinea nacional Hulandes Koninklijke Luchtvaart Maatschappij (KLM) a caba di anuncia cu pa gran mayoria di 2018, ta inclui un di shete vuelo semanal. Aruba Airport Authority NV (AAA) y Oficina di Turismo Aruba (A.T.A.) ta encanta di por comparti e noticia aki cu henter comunidad y tambe relacionnan internacional.

KLM ta un socio importante pa turismo di Aruba, ya cu ta percura pa e transporte di un gran cantidad di bishitante for di e mercado Europeo en general.

KLM ta inclui den su itinerario di vuelo, un servicio nobo entre Amsterdam-Boneiro-Aruba-Amsterdam riba diamars, cual a cuminsa caba den luna di november y lo continua te cu zomer 2018. E vuelo realisa cu un avion tipo A330-200, tin capacidad pa 268 pasahero. Pa Aruba, esaki ta nifica e potencial pa un crecemento adicional den turistanan Europeo atrabes di diferente conexion via Hulanda.

Te cu dia 30 di november 2017, estadistica ta mustra cu pa 2017, Aruba a ricibi un total di 83.027 turistanan stay-over for di Europa, di cual 34.021 ta bishitantenan for di Hulanda. Ta bon pa remarca cu –pa 2017- Europa ta representa 8.6% di e mercado total di turista pa Aruba, y cu Hulanda ta representa 3.5% di esaki.

E decision di parti di KLM ta bin despues di un cooperacion exitoso entre e compania aereo, A.T.A. y AAA NV. Ya caba e diferente ekiponan di trabou tanto na Aruba como na e oficinanan di turismo di Aruba na Europa a cuminsa informa agencianan di biahe, operador di tours y otronan di e posibilidad awo mas amplio pa yega Aruba, specialmente den lunanan friu di winter na Europa.

Oficina di Turismo y Aruba Airport Authority NV ta felicita tur stakeholder cu e noticia positivo aki y ta wak dilanti cu animo pa ricibi e bishitantenan for di Europa durante 2018.

 

- Advertisement -

DUNA COMENTARIO

Please enter your comment!
Please enter your name here