Home Salud Na Aruba tambe a observa Dia Mundial di AIDS

Na Aruba tambe a observa Dia Mundial di AIDS

9
0
SHARE
- Advertisement -

ORANJESTAD(AAN): Dia 1 di December tabata World Aids Day. E ta un dia mundial cu ta worde conmemora hendenan cu a fayece di Aids of di malesanan cu ta bin hunto cu Aids. Hendenan cu ta bibando cu HIV. Arnelda Els ta un enfermera den e departamento di Malesanan Contagioso di Salubridad Publico, ta conta cu riba e dia aki ta worde conmemora.

For di tempo cu HIV a cuminsa tin por lo menos algun miyon hende cu a fayece di dje caba. E principio awendia, cu tur e desaroyonan cu tin den medicina, pa e remedinan di HIV, e no ta necesario mas.

Aunke no tin cura ainda pa HIV, tin un tratamento hopi efectivo cu hendenan por hiba un bida saludabel y hendenan awendia, ta yega edad halto di biehes. Si nan sigui mas tempran, nan haya sa kico ta nan status, si nan tin HIV si of no, mas tempran nan por haya tratamento y menos daño e virus por haci na nan curpa.

E hendenan tin ainda miedo di test. Nan tin miedo di test pa diferente motibo. Nan no kier sa kico nan tin. Hendenan ta haya tin hopi problema cu stigma y descriminacion, pasobra e malesa, door cu semper e tabata un malesa cu, pasobra bo tin un cierto bida, un cierto estilo di bida, ta pesey bo a hay’e. Pero awendia hopi hende ta haya e malesa aki of e virus aki na nan cas.

Cu bo ta un hende cu tin un low risk, no ta nifica cu bo no tin risico at all. Hendenan cu tin risico hopi halto ta hendenan por ehempel uzo di condoom ta hopi importante. E ta keda na prome instante e prome manera pa preveni e malesa aki y no solamente HIV, sino otro malesanan transmiti sexualmente.

No ta pasobra tin tratamento, kiermen di cu mag di haya HIV. Tin cu proteha bo mes contra e otro malesanan transmiti sexualmente tambe. Y esakinan tin di nan, una bes cu haya nan, tin tratamento, pero otronan ta keda mescos cu HIV, ta keda eynan pa resto di bo bida.

Segun Els, na Aruba, den e ultimo temponan aki e ta afecta tur categoria di edad. E ta cuminsa di 20 aña te cu 60+. Locual ta remarcabel ta cu hendenan riba 60 aña tambe bo ta haya cu nan ta pashentnan nobo, casonan nobo di HIV.

Nos hendenan grandi den temporada cu nan por uza Viagra, of Siales, nan ta keda activo sexualmente hopi mas largo cu antes. Kiermen nan ta bin haya e mesun risico cu e hendenan hoben di haya un malesa transmiti sexualmente, entre otro HIV. Pa e hendenan aki tambe ta conta cu tin cu uza bo proteccion. Bo tin cu uza condoom na un manera corecto y tambe na un manera consistente.

Tambe e ta afecta hopi mas hende homber cu hende muhe. Pero no por duna un motibo claro di con esaki ta. Pero mesun cos mundialmente, e ta mesun cos tambe cu mas of menos un 75% di hende homber di e casonan positivo.

 

 

- Advertisement -

DUNA COMENTARIO

Please enter your comment!
Please enter your name here