Home Parlamento Na e scolnan multilengual e nivel di Hulandes lo no wordo afecta

Na e scolnan multilengual e nivel di Hulandes lo no wordo afecta

436
0
SHARE
- Advertisement -

Sue-Anne Ras:

ORANJESTAD (AAN): Despues cu Dialuna fraccion di MEP den parlamento a tene un conferencia di prensa, Diaranzon un biaha mas e fraccion geel a tene un rueda di prensa.

Durante e conferencia di prensa, parlamentario Sue-Anne Ras a papia tocante un tema cu a wordo treci dilanti Diamars durante un conferencia di prensa di Gobierno, unda cu Minister di Enseñanza Dr. Rudy Lampe a menciona e hecho cu 2018 ta bay ta e aña di Papiamento.

“Papiamento riba 21 di Mei 2018 ta bay hasi 15 aña di existencia como idioma nacional oficial, banda di Hulandes”.

Esaki segun Ras, kende a sigui bisa cu Papiamento ta mas cu un medio di comunicacion, pasobra e ta un refleho di e vision di henter un mundo.

“Pa tur esunnan cu ta papia Papiamento, incluyendo nos cu ta biba na Aruba, e ta duna un balor na tur esunnan cu ta domine y e ta forma identidad di nos propio hendenan y di nos cultura, historia y ken nos ta representa como Aruba”.

Esaki segun e parlamentario, kende a sigui bisa cu lenga ta esencial  pa progreso y bienestar di un pais completo.

Ras a papia tambe riba e hecho cu Minister di Enseñaza a anuncia cu lo bin cu scolnan multilengual.

E parlamentario a duna ehempelnan di procesonan rond di esaki cu for di 1988 a cuminza caba y a sigui cana nan caminda te cu aworaki.

Tur cos a wordo haci a base di investigacionnan y diferente analisis, pa wak kico ta mihor pa nos muchanan.

E parlamentario a menciona tambe cu e parti bon di uza papiamento como lenga di instruccion ta cu e muchanan di Aruba ta haya e habilidad di ta mas critico y hiba mihor combersacionnan riba cierto topico.

Ras a indica cu riba Facebook bo ta wak cu tin cierto critica y resistencia pa loke ta introduccion di papiamento como lenga di instruccion den e scol multilengual, pero el a enfatiza cu na ningun momento e idioma di Hulandes na e scolnan aki lo keda afo.

E novel di conocimento di Hulandes ta bay ta mescos cu na un scol no multilengual.

Tur cos lo bay den fase y e prome fase di e scol multilengual ta bay ta di Januari pa Julio 2018, cu ta bay ta e fase di Orientacion.

Na Augustus 2018 ta cuminza cu e fase di preparacion, analisis y evaluacion riba kico por bay mihor.

Tur cos ta poni pa cuminza cu ehecucion di e proyecto di scolnan multilengual na Augustus 2019.

 

 

 

- Advertisement -

DUNA COMENTARIO

Please enter your comment!
Please enter your name here