Home Policial Nabegantenan Venezolano a haya problema riba lama dilanti costa di Aruba

Nabegantenan Venezolano a haya problema riba lama dilanti costa di Aruba

231
0
SHARE
- Advertisement -

ORANJESTAD(AAN): — Pa mas of menos 9’or di mainta, Maritiem Politie a haya un melding di un diveboat local, cu el a nota un boto straño di registro Venezolano, cu 3 hende abordo, mas of menos 1 miya p’abao di Arashi. Nan tabata haci señal cu nan man, direccion di e diveboat. Maritiem politie a bay na e sitio y a bin haya un boto di mas of menos 27 pia, di registro Venezolano AMMT-1696 di nomber Polaris, cu 3 persona Venezolano.

Maritiem Politie a constata cu e personanan aki tabata den un situacion poco precario. Nan a declara cu nan tabata tin mas di 1 dia sin come. Tambe cu nan a sali dia 21 di December atardi, for di Punto Fijo, pa hiba e boto na Puerto Cabello, Venezuela. Mirando cu a bira scur y nan tabata nabegando direccion nort, nan punto di referencia tabata e lighthouse di Punta Macoya. Door cu no tabata tin coriente na Venezuela, e faro no tabata trahando y a dicidi di sigui nort.

Nan a pasa e tankeronan entre Aruba y Venezuela y na e momento ey nan a mira un luz di faro for di leu. Nan a asumi cu esey tabata nan punto di referencia y a sigui bay nort direccion di e luz.

A nabega henter anochi y na momento cu dia a habri, nan a mira tera, sinembargo nan no tabata sa unda nan tabata. E momento ey, e boto a haya problema, door cu nan tabata falta gear oil. Nan a tira anker y a warda pa ayudo. Maritiem Politie a bin cu nan waf di Playa pa haci tur control y duna nan e ayudo necesario.

Tambe a duna nan cuminda y gear oil pa e boto. Personal di imigracion a scan tur documento y a resulta cu berdad ni e boto, ni e 3 tripulantenan nunca a bin Aruba. Na e momento eynan Maritiem a compaña nan pa e waf di Barcadera y riba e mesun dia, pa 3’or di atardi, despues di a regla tur nan documentonan, e boto a sigui su rumbo pa Venezuela.

 

 

- Advertisement -

DUNA COMENTARIO

Please enter your comment!
Please enter your name here