Home General Negociacion di CAO cu ASTEC no ta den wega di djaca

Negociacion di CAO cu ASTEC no ta den wega di djaca

52
0
SHARE
- Advertisement -

Segun Diego de Cuba di STA:

ORANJESTAD(AAN): Cos ta trance entre ASTEC y STA. Nan ta na mesa cerca mediador. Diego de Cuba, presidente di STA, a splica cu tempo di UPA, caminda cu den concepto di STA, UPA mester a bay mesa negocia, pero a prefera di cana e caminda di corte.

Esey no a sali bon pa nan. Nan a perde tres caso den corte. A bisa nan, locual cu e CAO tabata prescribi cu si nan bay corte, nan ta perde e caso. Tabata miho nan no haci’e y sinta na mesa negocia.

Si bo no yega na un acuerdo, e contracto colectivo bieu ta keda core un aña normalmente. Pero tin cierto clausula den e CAO cu ta mara na aña. E ora eynan nan por referi na e añanan cu tabata valido. Esey ta e importancia pa renegocia un contracto colectivo. Esey ta pasa den mayoria di caso. Por pega, pero eynan atrobe e importancia di un protocol ta bin, caminda cu ta delinea tur e reglanan di wega.

Por ehempel STA a negocia 9 luna largo pa renoba un contracto colectivo cu AAA. Pero tabata tin un protocol firma, caminda cu si pasa e aña voorbij, si yega ta negociando ainda den Mei/Juni, pero tur locual cu di e parti financiero, ta bin cu forsa retroactivo desde 1 di Januari.

Ta esaki ta locual cu e hendenan aki no kier firma tampoco, cual ta un parti di protocol, segun de Cuba. El a termina bisando, cu STA no ta den e wega di djacanan aki.

 

- Advertisement -

DUNA COMENTARIO

Please enter your comment!
Please enter your name here