Home General Ningun momento a trece hedging dilanti como motibo di retiro di OJ...

Ningun momento a trece hedging dilanti como motibo di retiro di OJ Boekhoudt for di WEB

178
0
SHARE
- Advertisement -

ORANJESTAD(AAN): Ta importante pa sigui di cerca pa aclarea e retiro di Oslin Boekhoudt (OJ).

Sr. Arie Swaen ta su abogado, pero tempo cu el a worde kita y ta pinta sr. Boekhoudt preto, pa motibo di ta tild’e di ta e autor di e problema di hedging cu a colga WEB Aruba NV y a pone den un situacion poco fastioso.

Abogado Swaen a splica cu nan a pone un reunion, nan a yam’e, nan a bis’e solamente cu no tin confianza mas den dje. Despues a cuminsa cu e caso. Ora cu a cuminsa cun’e, nan a bin cu un verweerschrift contra di nan peticion.

Den esaki a bin cu 10 diferente motibo. Defensa tambe a kere cu un di e motibonan lo ta hedging, pero no a papia ningun palabra riba hedging como motibo pa kit’e for di trabao. Door di esey, no a bay in riba hedging. No por a bay in tampoco, pasobra no a trece como motibo pa kita y di dos, hopi hende ta bisa di con no a papia riba heding.

Boekhoudt tin un contracto di trabao caminda cu e tin un obligacion di secrecia. Si WEB a trece den corte como motibo riba dje, e ora Boekhoudt lo tin derecho di habri su boca y defende su mes. Pero door cu no a trece dilanti, e no por bisa nada. E mester keda keto sino e ta bay en contra di e obligacion di secrecia. Te awe ta solamente den corant a tende cu hende ta papia cu a tende di esey. Pero den e caso mes, ningun rato, e 10 motibonan cu nan a trece dilanti, no ta papia di hedging at all.

Debi cu tabata tin asina hopi trabao, si a ripara tabata tin 10 motibo. Nan no a trece hedging, y e abogado no a papia cu Boekhoudt mes at all riba hedging. Nan no a duna e motibo ey pa kit’e. Si nan a pone como motibo pa kit’e, a bay riba dje. E ora a sa kico ta kico. Kico en berdad a pasa, tin cu puntra e ministernan y por ta puntra Boekhoudt si e por bisa. Por ta e no por bay completamente riba dje, pasobra e ta bay en contra cu su obligacion di secrecia.

Abogado Arie Swaen a splica cu a refuta algun punto den corte. Hof a bisa cu e cosnan a worde refuta full. E no a bay in mas riba dje. Tin cu compronde cu minister ta representante di e ultimo aandeelhouder. Minister no ta representante di aandeelhouder di WEB. E aandeelhouder di WEB ta Utilities y Hoevertsz ta representante di e aandeelhouder di WEB. Minister eigenlijk, indirectamente e ta un representante di e aandeelhouder. E aandeelhouder mes ta land Aruba. Kico bo ta haya den praktica? Bo ta haya den practica cu ken e director ta handle. E director ta handle cu su hunta directiva.

E relacion cu tabata tin entre Boekhoudt cu su hunta di comisario tabata sublime. Boekhoudt tabata duna nan informacion tur luna. Riba papel, Swaen mes a mira nan, nan ta worde discuti ariba. Tin reunion tur luna. Tur hende tabata na altura di con WEB ta draai tur luna. Esey ta e aandeelhouder di WEB. A worde bisa cu e no tabata tin contacto cu e hunta di comisario. Swaen no sa cua hunta di comisario nan kiermen. Pero entre e hunta di comisario di WEB y e director, tabata constantemente na contacto cu otro. Si e minister, indirectamente tabata pidi cosnan, tanten cu e cosnan cu nan a trece dilanti, a refuta nan y bisa semper a duna tal informacion. A leg over stukken y por a mira corte den prome instancia y hof a bisa cu esey tabata suficiente.

 

 

- Advertisement -

DUNA COMENTARIO

Please enter your comment!
Please enter your name here