Home Comentario No DAS so ta wordo critica pero tur instancia di gobierno y...

No DAS so ta wordo critica pero tur instancia di gobierno y hasta henter pueblo

13
0
SHARE
- Advertisement -

Opinion: tampoco ta husto

ORANJESTAD (AAN) – Relaciona cu e caso di asesinato di e dos rumannan cu a impacta y indigna nos pueblo henter, nos redaccion a ricibi un reaccion tocante un articulo publica den nos matutino, edicion di Diabierna, den cual tin un expresion na defensa di e trahadornan di Departamento di Asuntonan Social “DAS”.

Nada contra esaki, e palabranan ta na su lugar, pero den FB, na radio y unda cu bo bay, bo ta scucha hende culpa Polis, Fundacionnan, maestronan, y tur otro departamento publico y tambe e propio comunidad como cu nos tur ta culpable di kico a sosode.

“Sorry, pero mi no por a hola nunca cu algo asina lo sosode den un famia. Mi no conoce e famia mes, ki falta  mi por tin? Cu e caso ta hopi doloroso sigur! Cu nos tin hopi rabia den curpa con dos ruman chikito a wordo maltrata te cu nan a muri? Claro! Pero ohala lo tabata den man di cada un di nos como ciudadano preveni y evita! Pero no por kita afo cu tur cos ta cuminza den un cas. Eynan ta e prome lugar cu mester percura pa un mucha ora e nace y prome cu esey, e mama mester percura pa e producto di un relacion cu un homber, haya tur cuido necesario y specialmente hopi AMOR? Si esey no ta e caso cu e muchanan victima, y hopi otro cu ta wordo neglisha, henter pueblo no tin falta! Awor cu e ta un cuestion nacional cu nos tur lanta contra abuso domestico unda tur cos ta cuminza, sin duda. Y cu e caso aki no mester wordo lubida, nos tur ta di acuerdo!” un dama cu ta mama di famia tambe, a comenta.

Otro persona a menciona cu ta inhusto pa culpa tur departamento di gobierno, tur fundacion, tur maestro… semper mester busca un culpable, pero e instancianan aki Polis, Fundacionnan, DAS, scolnan, ta haya confronta cu asina tanto problema, cu pa mas boluntad cu nan tin pa preveni, pa wak na tempo, pa nan nanishi bira mas largo pa hole unda tin problema, e realidad ta cu nan tur falta hende pa traha! Cuanto fundacion ta traha sin recurso financiero? Sin casi personal?

Berdad Aruba ta chikito pa tantisimo problema, kizas problemanan di e magnitud di paisnan grandi, pero ban cuminza awor cu un vision mas amplio, y si aki por envolve comunidad y tur, tur instancia y sin laga afo sector priva, dal bay! Mi ta sigur cu tur hende cu tin consenshi di e situacion y cu kier salvaguardia y un tur mucha, un y tur hogar, un y tur mama of tata cu ta victima di violencia domestico, lo no tin un cu lo nenga…ta tempo pa actua conhuntamente pues man na obra, pero stop di busca culpable pafo di e cas di e muchanan, stop di critica pero haci nada”, un otro lector a expresa.

- Advertisement -

DUNA COMENTARIO

Please enter your comment!
Please enter your name here