Home Parlamento Nos mester reflexiona pa wak con nos tur por yuda

Nos mester reflexiona pa wak con nos tur por yuda

25
0
SHARE
- Advertisement -

Setty Christiaans

ORANJESTAD  (AAN): Dialuna durante un conferencia di prensa di partido MEP, parlamentario Setty Christiaans a bisa cu e siman aki ta un siman importante, mirando cu Gobierno a declara Diaranzon awor como dia nacional di luto, mirando cu ta dia di e entiero di e dos muchanan cu a perde nan bida tragicamente.

“Mi mensahe awe mainta ta un mensahe di reflexion den sentido pa nos tur purba pensa con nos por yuda drecha cierto situacion na Aruba”.

“Ayera tabata prome dia di Advent cu ta e prome Diadomingo di un mensahe di diferencia”.

Esaki segun Christiaans, kende a bisa cu el a para keto na un carta cu Obispo a manda y a lesa Diadomingo, unda cu el a papia di uni e esfuerzonan pa nos tur haya un ayudo, den partinan unda cu nos ta sinti un bashi.

“E sucedidonan ta pone nos tur para keto y nos tur por purba pensa kico nos por hasi”.

“Den iglesia nan ta ratifica aña 2018 como un aña di hoben y nan ta dedica e aña aki na bida di famia, cual sigur ta esfuerzonan bunita cu ami sigur ta aplaudi, mirando cu esaki ta e nucleo cu nos mester traha riba dje pa por yega na mihor solucionnan pa e problemanan social cu nos tin”.

Esaki segun e parlamentario di MEP, kende a sigui bisa cu e rol cu nan tambe por tin den tur bario y parokia, ta hopi importante pa por yega na mihor solucionnan of purba mehora e situacionnan social cu tin.

“Mas comunicacion y contacto cu tin, mas nos por haya sa locual mester wordo hasi”.

“Tin un situacion di desconexion  den nos comunidad, desconexion cu hende, cu famia y probablemente cu creador, dependiendo di cada ken su creencia”, segun Christiaans.

 

- Advertisement -

DUNA COMENTARIO

Please enter your comment!
Please enter your name here