Home General Oficina di Polis di Bario na Simeon Antonio lo bay bira un...

Oficina di Polis di Bario na Simeon Antonio lo bay bira un ‘cas’ bek

76
0
SHARE
- Advertisement -

ORANJESTAD(AAN): Un cas na Simeon Antonio, polis di bario, caminda FCCA y polis tabata aden, no ta bay existi mas. Franklin Leest, ta conta su historia y ta conta tambe dicon ta elimina e cas.

El a splica cu den pasado a pone basta di e casnan disponibel pa oficinanan di tanto pa e bario regisseur di polis funciona. A combin’e cu FCCA mes, pa por dirigi e barionan. Sinembargo hopi di e oficinanan ey no a wordo uza den pasado optimalmente pa Cuerpo Policial.

Tabata tin diferente motibo, e.o. scarcedad di personal mes, otronan ta bay traha den otro barionan. E ora durante combersacionnan durante ultimo tempo a dicidi conhuntamente lo mester elimina algun di nan. Lo a cera algun di nan cu no a funciona nunca.

FCCA su servicio tabata tey den barionan caba. Nan tabata tin nan personal cu a move rond den tur bario. No tabata tin echt tin mester un oficina. Pero como a pone pa e polis di bario, a combin’e e ora pa haci’e hunto. Personal cu ta traha den barionan ta keda. Nan ta funciona for di oficina principal y e sucursalnan na San Nicolas y na Eagle y tambe for di otro oficinanan cu lo keda habri. Hunto a dicidi cu lo cera un par y lo bay converti nan bek den vivienda.

Tin algun di e casnan cu a funciona. Sinembargo tabata tin algun cu a cuminsa bon y pa motibonan hopi personal, manera malesa, of cualkier otro cos, a cay afo hopi tempran. Nan no a haya reemplaso di biaha. Esey ta un lastima si, pero tin algun di nan cu si a funciona bon.

Segun Leest cu cos no ta facil pasobra polis no ta 24 ora eyden. Ta traha durante oranan di trabao. Hopi biaha nan mes ta sali bay den e bario y no tur ora tabata den e oficina mes. Anochi nan no tabata tey y tabata haya e tipo di vandalismo aki na e lugarnan aki den varios ocasion. No ta un tarea facil den e barionan y esey ta conoci. No sa con e ta bay sigui despues, cu nan ta bay reorganise bek for di Cuerpo Policial. FCCA si mester a tuma e casnan bek pasobra nan a keda mucho tempo bashi y por uz’e pa vivienda.

- Advertisement -

DUNA COMENTARIO

Please enter your comment!
Please enter your name here