Home Impuesto Otro aña tambe lo trece algun cambio den e sistema di pago...

Otro aña tambe lo trece algun cambio den e sistema di pago pa number di vehiculo

16
0
SHARE
- Advertisement -

ORANJESTAD(AAN): Ora analisa e trafico riba camindanan di Aruba, tin cu corda cu tin 74 mil diferente tipo di plachi den circulacion.

No solamente A-platen, pero tur otro combinacion posibel manera TX, T-O, DT y si tur 74 mil cliente bin busca nan plachi den e mesun siman of den dos siman, ta haya cu rijnan y esey no ta e servicio cu kier duna e cliente. Kier bay mira un manera structural, pa otorga e plachi di numbernan aki y e cobransa pa cu vehiculo di motor, ta keda mesun cos.

Pa otro aña si ta bay tin algun otro cambio den e sistema di pago segun e directora Luenne Gomez Pieters cu ta e directora di Departamento di Impuesto. Ta custuma cu un cliente ta bin paga na e oficina principal of MFA. Kier stimula e clientenan mas pa nan paga online.

Durante 2017 a sinta na mesa cu 4 pa 5 banco na Aruba y a splica nan e dolor tambe ora ta trata reconciliatie di pago. A yega asina leu caminda cu tin entendimento caminda cu nan lo por a cambia nan front end di nan online banking system y di parti di Departamento di Impuesto, caminda cu por laad op e bankstatementnan y reconcilia mas lihe.

Esey ta algo cu lo bay wordo comunica entrante cuminsamento di otro aña. Cada banco lo haci nan parti di mercadeo pa loke ta esaki, conhuntamente cu departamento di Impuesto. E ta cambionan positivo cu lo trece mas eficiencia den pago di e cliente pa tur tipo di belasting.

No ta solamente impuesto di vehiculo di motor, pero tambe tur otro tipo di belasting, loonbelasting, BBO, grondbelasting. Na final di dia, e meta ta como departamento ta pa ta mas eficiente pa facilita e cliente pa cumpli cu su debernan di impuesto y cu ta traha cu partnernan strategico tambe riba e tereno aki.

No por haci e trabao nan so, pero loke si ta den nan maneho strategico, ta cu un belasting dienst cu ta mas eficiente posibel y ta atende cu e achterstandnan cu nan tin, ta beneficia tur hende.

Ta beneficia nos pais Aruba, ta beneficia e clientenan cu ta paga y ta beneficia tambe trahadornan cu ta traha den departamento di impuesto. Por imagina si bo ta un trahado na Departamento di Impuesto y ta mira stapel di trabao ta keda crece, e trabao no ta caba nunca, pero lo ta miho si e trabao ta structura y tin cu atende cu solamente e fluho cu ta drenta riba un dia, riba un siman.

Si tin cu trata cu achterstanden di añanan largo, e ta bira un peso tambe pa e funcionario publico cu tambe ta demotiva na caminda cu ta mira cu esakinan no ta cosnan cu por soluciona a corto plazo.

Por ta fin di 2018 of comienso 2019 e cambio lo por drenta na vigor. Lo bay naturalmente via un destaho publico y manera cu esaki ta cla, lo mester bay over den produccion y lo mester haya e plachinan na tempo pa por cuminsa distribui.

Segun directora di Departamento di Impuesto, tabata tin un proposicion cu a bin cun’e na minister di finansas saliente, cu lo tabata kier a mara e plachi di number na e auto, na e chasis. Esey lo ta miho.

Na Corsou e ta asina, na Hulanda e ta asina. Ora bo bende bo auto, e number tambe ta bay. Den e mesun proposicion tabata tin tambe cu e cobransa di impuesto di vehiculo di motor ta sosode den accijns. Eseynan ta proposicionnan y ley cu tin ainda vigente. Ideanan cu ainda ta bibo.

Lo mester papi’e cu e minister di finansas, of eventual minister presidente, si ta algo cu nan lo kier sigui cun’e of no. Pero te cu awo, e number ta keda mara na e persoonsnummer, na e persona y no mara na e auto.

A haya diferente critica of feedback di e clientenan cu ta bisa cu e number toch tin un balor sentimental. Hopi biaha bo ta wak cu nan a busca un number chikito of e number ta fecha di nacemento di opa, di oma, di tanta, di famia, di e yiu y nan tin toch un attachment na e number cu ta dificilmente si bisa, cu ta mara e number na e auto y ora cu bende e auto, e number a bay cu e auto tambe.

Toch na Aruba e ta un topico toch di discusion cu e cliente ta bisa, cu nan no ta di acuerdo pa e number ta mara na e auto.

 

- Advertisement -

DUNA COMENTARIO

Please enter your comment!
Please enter your name here