Home Impuesto Pa Dialuna 4 di December por cuminza paga pa Sticker di Nummerplaat

Pa Dialuna 4 di December por cuminza paga pa Sticker di Nummerplaat

16
0
SHARE
- Advertisement -

ORANJESTAD(AAN): Hopi hende ta pendiente, pasobra aña ta bay caba y kier sa kico ta e status di e cobransa di e plachi di number di vehiculo di motor. Departamento di Impuesto awor aki ta preparando e stickernan. A ricibi nan pa loke ta trata impuesto pa vehiculo di motor.

Segun vocero Meverly Romano, ta bezig ta controla nan, pasobra e ta hopi importante pa vigila si e empresario, e compania cu ta entrega, tin a entrega tur cos manera cu a bestel y por anuncia cu dialuna awo, dia 4 di December, ta cuminsa habri e posibilidad di pago pa loke ta trata e impuesto di vehiculo di motor y asina aki por cuminsa na yuda e clientenan cu ta desea di haci nan pago di belasting for di awor aki caba na December, cu nan por haci’e for di awor aki caba.

A caba di anuncia, cu dia 4 di December lo cuminsa. Tin e stickernan paden caba. E stickernan pa 2018 ta bira shinishi pa loke ta trata mita aña y e color fuschia, roos tuna, pa loke ta trata e belasting di full e aña. Esey ta e dos colornan cu lo bay uza na 2018.

Tin un punto importante cu manera tur cliente sa, Departamento di Impuesto ta keda controla seguro di auto. Pa loke ta trata e seguro di auto pa aña 2018, e mester ta valido. Si kier pa un temporada pasobra awor aki ta haya kisas tin hende cu ta core bin paga den December, pasobra nan seguro ta bay caduca dia 31 di December. Romano a splica cu lo bay paga tino riba esey. No tin cu lubida cu si e cliente bay paga 2018, e ta paga belasting di aña 2018. E ora tin cu controla si su seguro ta pa un periodo valido pa aña 2018.

Clientenan cu ta bay paga na December awor aki y nan seguro ta caduca na December 2017, no lo bay permiti pa haci e pago aki. E cliente tin cu bin cu un comprobante cu su seguro ta valido pa un periodo di aña 2018 y si tur cos ta na ordo, e cliente por haci su pago. E ta ricibi su sticker di biaha y asina e por ta trankil pasobra e no ta bay cay den e drukte di Januari e ora ey.

Esey ta algo toch cu mester tene na cuenta, pasobra cada aña e cantidad di auto riba caminda ta aumenta masha hopi mes. E cantidad di cliente pa loke ta trata number di auto, ta aumenta hopi y esaki ta algo hopi importante pa tene cuenta cun’e, cu si warda te na ultimo, e cliente ta cay den un drukte.

Tin cu agrega cu aña 2017, tabata un aña particular pasobra, entrante 2017 a bin e cambio di ley caminda cu a elimina e pagonan pa kwartaal etc. Y door cu e cambio di ley a sosode na December aña pasa, e clientenan tabata tin hopi tiki espacio pa nan a realisa cu nan no por paga nan belasting mas den kwartaal. A bin diferente discusion, preocupacionnan riba e parti eynan.

A mantene 2017 como un aña transitorio, pero pa loke ta trata 2018, Departamento di Impuesto ta bay aplica e ley manera cu e ta, esta cu tur e automobilistanan cu tin un plachi di number cu no ta di e categoria A, nan lo mester paga e belasting den un solo biaha. Y e fecha final pa esey ta dia 31 di Januari.

Pa e automobilistanan cu si tin un plachi di categoria A, nan so por haci e escogencia, sea cu nan ta paga e belasting den un solo biaha of ta haci’e den dos biaha pa aña. E fecha final ta bira e prome mita di aña ta dia 31 di Januari y e di dos mita di aña ta dia 30 di Juli. E prome deadline tabata dia 15 di Februari. Awo esey no ta e caso mas. E ta dia 31 di Januari practicamente pa tur hende. Solamente esnan cu plachi A, so por scoge pa page sea full of mita mita.

 

- Advertisement -

DUNA COMENTARIO

Please enter your comment!
Please enter your name here