Home Gobierno Pa mala fe di Gabinete Eman 2 nos pais no tin su...

Pa mala fe di Gabinete Eman 2 nos pais no tin su presupuesto 2018

341
0
SHARE
- Advertisement -

Minister Xiomara Ruiz-Maduro:

ORANJESTAD (AAN) – Den un entrevista di nos redaccion cu Xiomara Ruiz-Maduro, actual minister di Economia y Finanza, el referi na e tema di presupuesto 2018, cu no ta parce ta bay keda cla pa December awor.

E mandatario ta splica cu Aruba mester sa cu ta danki na e mala fe gabinete Mike Eman 2 e pais no tin su presupuesto di aña 2018.

Asina e dignatario a expresa: “Ora cu e gobierno aki a cuminza traha, siman pasa, apesar di e dificultadnan cu e gobierno aki tin, e trabaonan si a sigui den e aspecto financiero y e principal ta e presupuesto supletorio 2018. Esaki si mester pasa prome fin di aña, si no ta drenta den problemanan di likidez sigur, unda cu nos pais no tin fondonan pa cumpli cu su obligacionnan”, e dignatario a expresa.

E mas importante di e presupuesto 2018, ta e presupuesto supletorio 2017. E situacion na e momento aki ta, y manera nan a bin ta haci’e hopi biaha, haya parti di manipulacion, unda cu e gobierno anterior, den e caso aki ta entrega un presupuesto supletorio, den cual ta bisa cu e cambionan aki, no ta cambionan cu ta costa mas cen, ta budget neutral, manera e ta wordo yama, siendo cu tur hende sa, for di e cifrananan cu a bin anticipa cu tin un buraco di 50 miyon, cual ta placa cu belasting lo no haya”, Minister Xiomara Ruiz-Maduro a declara.

E ta sigui splica cu a presupuesta entradanan di gobierno hopi mas halto, cu locual ta realidad y awo sigur, CAFT a emiti, riba un tercer kwartaal, su opinion cu e no ta kere cu Aruba ta yega na a normanan cu ta conta pa 2017, pero ta mira entre otro, cu entradanan a keda atras y hunto cu esaki tambe, tin e aspecto cu ta wak cu e refineria di Aruba, tin placanan cu e mester entrega na gobierno na Aruba, pero no tin un compromiso cu e placa aki ta drenta.

“Esaki ta nifica cu na e momentonan aki, tin un buraco ta 50 miyon caba y riba dje, ora cu bo wak si entradanan aki no drenta di RDA lo bay tin un buraco di 110 miyon florin. Si tuma e ley di CAFT e lo mester ta 25 miyon di deficit.

Simpel bisa, Aruba pa 2017 no ta bay cumpli cu loke e ley di CAFT ta bisa. Esaki kiermen cu Hulanda e ora ta bay cuminza un proceso den cual ta bay bin cu un aanwijzing pa Aruba. Esey ta unda Aruba ta para aworaki” segun e mandatario.

Gobierno di Aruba ta preparando un delegacion pa bay Hulanda, cual ainda ta den deliberacion. Pa aworaki pa 2017 sa caba cu Aruba no ta bay cumpli cu e parti di e ley akinan. Dus lo bay haya bo den problema cu Hulanda. Pa 2018 ya caba e buraco ta core den 200 miyon florin, siendo cu mester tabata tin un surplus di 25 miyon. Ya di antemano sa, cu eigenlijk loke cu gobierno di Mike Eman a laga atras ta un desastre. A purba di manipula hopi biaha, pero e desastre financiero ta na mesa y tur hende ta conciente di dje, y e ta bay wordo presenta”, e mandatario a agrega.

El a sigui bisa cu pueblo di Aruba ta bay haya e resultado di e gañamento cu Sr. Eman a bin ta haci. Caft tambe ta bay raporta e realidad aki cu ta wordo laga atras.

“E supervision di Caft tabata te pa 2018, pero si bo ta cumpli cu tur e rekisitonan e ora Hulanda lo por a yuda nos di bin cu placa, na interes mas reduci, pa asina baha e gastonan di interes pa e debe grandi cu Gabinete Eman a traha pa e pais aki.
Lo mester bay delibera cu Hulanda, con e gobierno nobo ta pensa di drecha e situacion financiero aki” e dama a señala.

Minister Xiomara Ruiz- Maduro, na e momentonan aki, conforme e ley di Caft, lo mester cuminza cu un pacto na unda ta bay den direccion di aanwijzing, unda cu Hulanda ta bay duna un instruccion pa den dos siman informa con ta bay drecha e situacion.

Un gobierno cu a caba di sinta; un gobierno cu a haya un cocolishi sin un computer, of telefon cu ta traha, y un Bestuurskantoor cu hasta tin mushroom ta crece den dje. Un gobierno cu a bay, y ocho aña di informacion digital no tin, informacion di gobierno a wordo “wiped out”.

 

- Advertisement -

DUNA COMENTARIO

Please enter your comment!
Please enter your name here