Home Gobierno Pa prome bez den historia ATA Suigeneris ta cera y habri aña...

Pa prome bez den historia ATA Suigeneris ta cera y habri aña cu cifranan negativo

252
0
SHARE
- Advertisement -

Gabinete Mike Eman a keda debe ATA 22 miyon florin

ORANJESTAD (AAN) – Minister di Turismo, Salubridad Publico y Deporte, señor Dangui Oduber, den conferencia di prensa a bin den conferencia di prensa Diahuebs, pa elabora riba e problema di likidez (cash flow) cu ta afectando Oficina di Turismo (ATA) como tambe di AZV.

Oduber a señala cu su ministerio, den e tres prome simannan di gobierno, ta haciendo un inventario ya cu nan no a haya un traspaso manera mester ta, sino cu nan a cuminza for di cero.

Pesey ta importante pa reuni cu tur e director y hefenan di departamento, trahadornan, y bishita e diferente dienstnan cu ta resorta bao di e ministerionan aki.

E dignatario a indica cu logicamente nan tin nan programa di gobernacion y maneho di e ministerionan di Turismo, Salubridad y Deporte, y pa otro siman caba lo tin algun anuncio grandi pa haci, encuanto Salubridad.

Minister Oduber a señala cu den e conferencia di prensa aki e ta haya importante pa elabora riba e iresponsabilidad di gobierno anterior, pasobra awe, den oposicion, nan ta bisa cu nan a laga tur cos bo regla, a laga placa, material, a haci un traspaso, etc. No obstante, ATA su situacion financiero ta mustra un otro historia, segun locual e mandatario a trece dilanti.

El a referi concretamente na ATA Suigeneris y AZV, ambos bao di su maneho aworaki. El a acentua riba kico Gabinete Mike Eman I y II realmente a laga atras, y cu e mandatario ta haya un lastima cu mester wordo divulga, pa comunidad sa e grado di iresponsabilidad di e gobernantenan di e dos Gabinetenan aki, segun criterio di e mandatario.

ATA SUIGENERIS:

Encuanto ATA, e gobernante a duna di conoce cu el tene varios reunion cu e CEO y a haya varios presentacion. E mandatario a splica cu na momento cu ATA a wordo funda como Suigeneris, ley ta stipula cu dia 15 di cada luna, Gobierno mester traspasa pa ATA, e sumanan, manera e room tax y otro entradanan cu ta drenta for di turismo, pasobra esakinan ta e entradanan mas grandi cu ATA ta ricibi y for di nan Oficina di Turismo ta paga su gastonan operacional, mercadeo, y ta draai riba e fondonan aki. Na e momentonan aki, pa prome biaha den historia desde cu ATA a bira Suigeneris, cu e ta confronta problema di flujo di fondonan financiero.

E semper a wordo categoriza como un Instituto cu tin placa, pero na e momentonan aki tin problema serio di likidez, pasobra e gobierno anterior pa cinco luna caba no a traspasa e Tourism Levy (impuesto riba turismo) pa ATA. Esaki e gobierno actual a haya hereda, segun palabranan di e dignatario.

Gobierno di Aruba tin un debe caba cu ATA, di 22 miyon florin y segun ley Gobieno mester paga ATA, dia 15 di tur luna.

Minister Oduber a subraya cu loke e Gabinete Mike Eman a haci, ta keda cu e placa, uza e placa pa otro destinacionnan cu e pensamento cu nan lo gana eleccion pero awe tin otro gobierno, cu a hereda esaki, lamentando e situacion mirando cu ya caba e deficit financiero ta mas cu 130 miyon florin.

Oduber a acentua cu riba esaki ta bin haya cu e sorpresa aki, unda ATA ta bisa cu si e no haya e placa den e proximo dos simannan aki, aña ta cera y aña ta habri cu pa prome bez den historia den cifranan negativo. Den otro articulo, por lesa locual ta referi na AZV.

- Advertisement -

DUNA COMENTARIO

Please enter your comment!
Please enter your name here