Home Hudicial Padtrastro Gabriel Martiens ta bisa cu e tabata un bon tata pa...

Padtrastro Gabriel Martiens ta bisa cu e tabata un bon tata pa e muchanan difunto awe, Richandroh y Eugene

648
0
SHARE
- Advertisement -

ORANJESTAD(AAN): Riba diaranson dia 22 di november, mayornan di Rishandroh Anastacia a yega cune na Spoedeisende Hulp na Hospital, debi cu e lo a cay den speeltuin. Pero su situacion tabata asina grave y empeorando cu diabierna 24 di november el a fayece. E mesun dia a detene e Mama y e Padrastro, Gabriel “Gaby” Antonio Martiens di apenas 20 aña di edad.

Recientemente, siendo deteni, nos a logra entrevist’e, den forma exclusivo! El a lamenta cu comunidad tin un percepcion malo di dje, siendo e no ta considera su mes un homber agresivo ni un mal tata. El a conta su storia cu ta cuminsa ora el a namora e mama di e muchanan, cu na e momento ey tabatin un yiu y tabata na estado cu un bariga di apenas 3 luna di su yiu homber mas chikito.

E relacion ta bayendo bon y e semper a asumi e rol di tata pasobra e tata biologico nunca a cria e muchanan manera mester ta, no a duna nan atencion y a bay laga e mama na estado di nan di dos yiu. Segun Gaby, e homber di fam Anastacia a bay laga mama di su yiunan pa un otro hende muhe cu ya tabatin yiu caba. Tur e tempo cu e tata no tabatey, el a asumi e rol den e miho forma posibel.

Awor ta haci comosifuera cu e ta masha malo mes, siendo cu el a traha duro tur e añanan pa cria e muchanan. Den pasado el a yega di reclama e tata biologico na mas di un ocasion, pero sin resultado. No ta pasa tempo cu e yiunan.

“El a pasa dushi pa traha nan pero no a dedica tempo nunca na nan”.

“No ta pasa cas, no ta wak nan, no ta keiro cu nan, no ta hiba nan beach weekend, nada. Tur esey ami a haci cu nan!”, asina Gaby Martiens a conta nos durante e combersacion.

El a conta mas leu cu e ultimo añanan, e ta trahando como “Pool attendant” na Holiday Inn Hotel & Casino. Cu e poco tips cu e tabata gana, e tabata percura pa alimentacion di e yiunan di su pareha y tabata keiro cu nan te unda e tabata por.

Ora a puntre, con por ta e ora cu a sosode algo asina horendo? El a contesta cu e muchanan tabata haci hopi malamucha, loke a pone “flip”. Nos a puntre cu un biaha caba e tabata den media pasobra el a maltrata e mama dilanti e yiunan. El a admiti cu un solo biaha el a maltrata e mama, debi na un discusion cu a bay for di man. El a bisa cu el a dal e mama tambe ora e prome mucha a muri, el a menase pa e no papia.

Gaby Martiens kier pa tur hende sa cu su intencion hamas tabata pa mata e muchanan.

“Mi no ta meen loke ma haci, tabata un accidente”.

 

- Advertisement -

DUNA COMENTARIO

Please enter your comment!
Please enter your name here