Home Parlamento Parlamentario Edgar Vrolijk y e tratamento di un Presupuesto Supletorio basta irealistico

Parlamentario Edgar Vrolijk y e tratamento di un Presupuesto Supletorio basta irealistico

50
0
SHARE
- Advertisement -

ORANJESTAD (AAN): E presupuesto supletorio cu a worde trata den Parlamento ta hopi irealistico, e motibonan ta, pa falta di transparencia y falta di madures politico pa tuma decisionnan.

Parlamento a trata un presupuesto supletorio bastante irealistico y sigur despues di locual Raad van Advies a bin ta trece dilanti. CAFT tambe a bin ta menciona di adelanta cu e presupuesto 2017 no lo yega e norma cu Caft a pone, cu Aruba mester a yega na un deficit di 0.5% cual ta ekivalente na 25 miyon Florin di deficit.

Segun Parlamentario Edgar Vrolijk, cu ta di lamenta ora ta scucha di un gobierno cu a papia tanto aña di sostenibilidad y durabilidad di tur presupuesto, anto despues CAFT ta menciona bon cla cu e maneho cu a worde hiba pa e gobierno anterior, no ta un maneho sostenibel. CAFT a pidi e gobierno cu recientemente a sinta, pa bin cu un maneho sostenibel y pa asina nos finanzas publico lo por conoce durabilidad.

E falta di madures y transparencia politico ta pasobra ora mira cu ta e mesun gobierno aki a firma varios acuerdonan importante pa mehora locual ta Finanzas Publico. Dia 28 di Maart 2013 a firma e acuerdo di Diahuebs Santo, cu tur hende a critica, den cual a firma cu lo bay trece cambionan structuralmente pa mehora e finanzas publico di Aruba. Na 2013 y 2017 a firma e acuerdo di Balance Budget y na 2015 a acepta e College Aruba Financiel Toezicht CAFT, esaki tabata pa yuda e gobierno anterior y consehanan pa mehora nan finanzas publico.

Raad van Advies 4 luna pasa a bisa bon cla, cu e deal cu tin cu CITGO ta algo peligroso. E motibo ta, pasobra a pone cu 73 miyon lo drenta caha di gobierno a base di locual ta para den e Settlement Agreement, cu ta 27 miyon, 40 miyon for di Refineria di Aruba y 6 miyon di Lease.

Raad van Advies a bisa bon cla, cu ta bay haci un aña cu nan ta atrasa, esaki a worde bisa na augustus paso september 2017 Citgo lo mester a cuminsa opera y keto bay esaki no a pasa.

Vrolijk a mustra cu Raad van Advies a menciona tambe cu esaki ta hopi riscante pa pone riba e presupuesto, paso lo por crea espacionan cu mañan no por worde cubri. Enberdad awe por mira atrobe cu e 73 miyon menos a drenta caha di gobierno.

Un 50 miyon di impuesto cu tampoco no a drenta den caha di gobierno y mester worde deduci. E 50 miyon ta consisti di 30 miyon di loonbelasting di Citgo y tambe e 20 miyon di BBO cu tampoco no lo drenta.

 

- Advertisement -

DUNA COMENTARIO

Please enter your comment!
Please enter your name here