Home Parlamento Parlamentario Edgard Vrolijk mustrando cu lo conoce cambionan den 2018 cu lo...

Parlamentario Edgard Vrolijk mustrando cu lo conoce cambionan den 2018 cu lo ta na beneficio di ciudadanonan

16
0
SHARE
- Advertisement -

ORANJESTAD (AAN): Aña 2017 ta practicamente tras di lomba y pueblo completo ta contando e oranan cu falta pa nos por ricibi un aña nobo den harmonia familiar.

Pueblo ta anhela e cambio di aña y drenta 2018 yena cu speranza y positivismo cu hopi cos lo cambia pa mihor.  Sigur pa hopi aña 2017 tabata un aña duro pa hopi ciudadano riba nos dushi isla y aña 2018 lo ta un aña yena cu retonan,  tanto pa pueblo como gobernantenan.

Pero  pueblo ta consciente cu trahando duro y cu posivitismo pronto nos  lo conoce cambionan na beneficio di cada ciudadano den 2018.

Nos rol como parlamentario lo mester ta uno pro activo, unda nos lo tin di controla gobierno cu e meta pa e por cumpli cu pueblo y goberna pa pueblo. Unda cu entre otro mester pone enfasis pa mehora nos economia y percura pa crea cuponan di trabao y trece cambionan den leynan laboral pa proteha nos hobennan, nos parti social y sigur enseñanza y deporte mester hunga un rol importante den esaki, trece trankilidad den pueblo door di hiba un maneho fuerte contra criminalidad y alavez percura pa mehora nos cuido medico. Alavez nos como parlamentario ta ser spera  cu nos lo ta mas cerca di pueblo, pero sigur trece cambionan via ley  cu ta necesario pa cu necesidadnan di pueblo.

Mi persona Edgard Vrolijk, parlamentario pa e fraccion di MEP, hunto cu mi famia  kier a desea pueblo di Aruba completo un bon aña 2018, y cu nos Dios Tata Todopoderoso yena cada un di boso hogarnan  riba nos dushi isla cu bendicion, dicha y felicidad y cu cada deseo di cada ciudadano ser cumpli den 2018. Feliz Aña, Aruba.

- Advertisement -

DUNA COMENTARIO

Please enter your comment!
Please enter your name here