Home Parlamento Parlamentario Endy Croes cu yamada pa gobierno pa reduci prijs di awa...

Parlamentario Endy Croes cu yamada pa gobierno pa reduci prijs di awa y coriente

239
0
SHARE
- Advertisement -

Hedging deal ta termina e luna aki:

ORANJESTAD (AAN) – Den e mesun contexto di “Hedging”, Parlamentario Endy Croes a sigui splica den conferencia di prensa di fraccion di MEP, cu dia 2 di September 2014, e gobierno di AVP a cuminza hedge, ya pa 2015 caba, kiermen cu nan a premira loke Mike de Meza a bisa.

E parlamentario a agrega cu locual ta straña su persona ta cu e management team ora a presenta e pakete di hedging na e directiva e mesun dia, y e mesun luna, dia 30 di September, a cuminza hedge pa 2016 y e directiva a firma tambe esaki.

El a menciona cu ora nan a firma e prijs pa bari di crudo tabata alrededor di 90 dollar y e di dos tabata como 82 dollar pa bari, y den dos luna di tempo den 2014 e prijs mundial di crudo a baha te 30 dollar pa bari. Pues pueblo a paga 90 dollar pa produccion y ora e cobranza yega na cas e consumidor ta pagando basa riba prijs di decisionnan eroneo y fatal, cu tanto e management team, supervisor y e board nombra pa ex-minister Mike de Meza, a costa e pueblo aki mas di 250 miyon florin y cu no por a sinti un rebaha real den prijs di awa y coriente.

E parlamentario a trece dilanti cu tin un aspecto politico den esaki y cu e ta yama “prohibi pa lubida”. Pa tal motibo e kier recorda nos pueblo prome cu e aña aki finaliza, cu 1 di October 2014, momento cu tur esaki ta tuma lugar, a sali den noticia cu WEB ta den cora, y nan a bay over na aumenta prijs di awa y coriente pa e consumidor. E ora ey e pueblo a sali balente y dilanti di Parlamento nan a bin manifesta pa e inhusticia cu tabata tumando lugar. E resultado politico tabata cu Mike Eman, bao di ken openbare orde ta cay, a mando e comando special riba e pueblo aki. Dilanti Parlamento sernan femenino a wordo lastra, segun e Parlamentario, pasobra nan tabata buscando husticia y derecho pa e decisionnan abrupto cu gobierno a tuma.

E parlamentario a sigui bisa cu for di tempo di Minister Mike de Meza te awor e board ta forma pa un persona di fam Every, Antonio Lacle, y hasta un meneer Ras cu ta ruman di ex-presidente di Staten Mervin Ras. Segun e rapport ningun di nan tin experiencia den hedging y ta nan a costa te cu awe. Parlamentario Croes a subraya cu e hedging ta bay finaliza na December awor, por fin.

Como miembro di e fraccion di Movimiento Electoral di Pueblo y di coalicion den su totalidad pa nos gobernantenan considera tur loke a tuma lugar y cu nos pueblo a sufri y no por a ricibi e prijs husto, pa wak si durante e prome cien dianan di gobernacion y cu e hedging aki ta termina, pa cumpli cu e pueblo y bin cu prijsnan mas preferencial y cu por resulta dentro di algun luna cu e consumidor por mira riba cobranza un rebaha den prijs di awa y coriente.

El a expresa cu MEP sa cu e situacion eyfo ta hopi duro y cu un di e factornan grandi ta costo di bida y sigur e prijs di e utilidadnan aki ta hopi grandi. El a subraya cu asina pone hende central y trata di tur manera di reduci e prijs di awa y coriente.

 

- Advertisement -

DUNA COMENTARIO

Please enter your comment!
Please enter your name here