Home Politica Parlamento mester tin e curashi pa pidi mandatarionan pa responsabiliza nan mes

Parlamento mester tin e curashi pa pidi mandatarionan pa responsabiliza nan mes

146
0
SHARE
- Advertisement -

Rocco Tjon:

ORANJESTAD(AAN): Diaranzon durante e ultimo conferencia di prensa di 2017 di fraccion di MEP, parlamentario Rocco Tjon a indica cu na 2018 MEP ta bay cuminza implementa e politica nobo, cu durante e lunanan cu a pasa nan a cuminza implementa.

“Ora nos papia di politica nobo, nos ta referi no solamente na e parti di controla Gobierno manera mester ta, sino tambe ta proactive”.

“Nos mes for di parlamento mester bin cu iniciativanan cu lo sa di yuda e gabinete actual pa trece e cambionan cu na final di dia pueblo a pidi pe”, segun Tjon.

Pa loke ta e situacion financiero cu Aruba ta aden, el a sigui bisa cu hopi biaha ora ta trata di esaki, nos tin e tendencia di solamente wak e mandatarionan, pero nos mester corda cu tabata tin un parlamento cu tambe a permiti e situacion financiero (deficit di 130 miyon florin), yega den e estado ey.

“Pesey ta importante pa como parlamento, ora bo señala cierto cosnan, pa bo tin e curashi tambe di yama e mandatario paden y sa di pidie pa e responsabiliza su maneho”.

Esaki segun Tjon, kende a sigui bisa cu ora cu a trata e presupuesto supletorio, na diferente momento señalnan a wordo manda door di institutonan imparcial manera Raad van Advies y CAFT, caminda nan a bisa cu e proyeccionnan cu gobierno tin pa cu su entradanan no ta realistico.

 

- Advertisement -

DUNA COMENTARIO

Please enter your comment!
Please enter your name here