Home Policial Poco tolerancia dia 31 di December y si faya bo ta haya

Poco tolerancia dia 31 di December y si faya bo ta haya

83
0
SHARE
- Advertisement -

ORANJESTAD(AAN): Polis ta poco tolerante si un of mas coredor di auto of brommer comporta su mes menos bon riba caminda. Si bo ta viola reglanan di trafico, e fevernan ey, lo kita e brommer. E chauffeur lo haya un process verbaal. Tambe bo tin sigur cu pa fin di aña, lo bo ta sin brommer.

Por ta pa dianan 3 of 4 di Januari, e ora ta haya e brommer. Hendenan burachi tin chens di pasa aña den cel, envez di celebra cu e famia. Cuerpo Policial no kier esey. Kier pa pueblo tin e siguransa cu nan por celebra na un manera sano, sin cu ta mira cosnan cu ta bay for di man.

Cuerpo policial no ta contra celebracion. Pero si loke ta bay for di man. Nan conoce den pasado caba cu trafico ta wordo blokea, camindanan ta wordo blokea. Cuminsamento ta cuminsa for di mainta caba y pa atardi tin hopi hende burachi riba nos careteranan.

Cuerpo policial kier evita ta pa tin hopi hende burachi riba nos camindanan coriendo auto contra ley y asina aki por causa desgracia cu en bes cu ta na cas e ora anochi ta celebra cu bo famia, bo tin chens cu bo ta den hospital of cosnan pio por sosode. Cuerpo Policial kier pone un enfasis cu e cos aki, pa hende reflexiona y pa asina aki tin un cambio di aña hopi trankilo. E meta ta pa tur hende celebra sanamente, sin trece peliger pa e otro personanan.

Team special

Segun Eric Ras, manera aña pasa, cuerpo policial tin su team prepara, specialmente pa e ocasion aki. Si bo faya, lo bo haya.

 

- Advertisement -

DUNA COMENTARIO

Please enter your comment!
Please enter your name here