Home Cultura Post Aruba a entrega Buki Conmemorativo di Simbolo Nacional di Aruba na...

Post Aruba a entrega Buki Conmemorativo di Simbolo Nacional di Aruba na Padu del Caribe

74
0
SHARE
- Advertisement -

ORANJESTAD (AAN): Post Aruba N.V. a bishita Juan Chabaya “Padu del Caribe” Lampe. Durante e bishita aki nan a haya e oportunidad di presenta e Buki Conmemorativo di Simbolo Nacional di Aruba na Padu del Caribe. Padu del Caribe tabata contento di por a ricibi e Buki Conmemorativo y a gradici Post Aruba pa esaki.

Vivian Alberto Manager di Departamento Filatelico a splica cu e Buki Conmemorativo ta un segundo fase, pasobra e prome fase tabata esun di 10 aña di nos Status Aparte. Esaki ta e di dos fase unda ta worde conmemora nos Simbolonan Nacional di Aruba, di cual den e buki por haya e Decreto y Historia di cada un Simbolo di Aruba.

El a sigui bisa cu den e buki tin e simbolonan cu ta e Decreto, e Bandera di Aruba y Himno Nacional di Aruba. Fuera di esey tin Biografia di cada un idolo di Aruba, manera Sres. Hubert (Lio) Booi (dfm), Rufo Inocencio Wever (dfm) y Juan Chabaya (Padu del Caribe) Lampe.

E Buki Conmemorativo di Simbolo Nacional di Aruba tin inclui den dje un serie di e stampianan y un souvenir sheet di nos simbolonan y e ta riba mercado pa algun luna caba na oficina di Post Oranjestad y e ta obtenibel den e idiomanan Papiamento, Hulandes y Ingles.

“Mi kier encurasha cada persona cu ta stima y aprecia nos Simbolonan Nacional y tambe kier educa nan mes un poco mas riba e contenido di e Decreto y Historia di nos Simbolonan Nacional, bin cumpra un di e bukinan Conmemorativo aki”, el a expresa.

E buki aki no ta solamente pa nos adultonan pero tambe  pa nos hubentud. Tur cu les’e lo por educa su mes den tur forma. Un bunita regalo pa un ser keri e lo bira sigur. Post Aruba ta gradici tur esnan cu ya a duna nan aporte na e Buki Conmemorativo aki pasobra e cantidad ta hopi limita.

 

- Advertisement -

DUNA COMENTARIO

Please enter your comment!
Please enter your name here