Home Parlamento Presidente di Parlamento no sa su reglement van orde bon y ta...

Presidente di Parlamento no sa su reglement van orde bon y ta midi cu dos midi

118
0
SHARE
- Advertisement -

Mervin Wyatt-Ras:

ORANJESTAD (AAN): Ex-Presidente di Parlamento, drs. Mervin Wyatt-Ras durante conferencia di prensa a reacciona ariba e resultado di e kortgeding cu miembro di prensa Speed Andrade a gana.

Wyatt-Ras a splica cu manera cu el a ser informa presidente di Parlamento a manda 2 carta pa sr. Andrade y e Presidente a basa su mes ariba articulo 82 di reglement van orde. Den e articulo aki ta regla con bishitantenan y en particular publico den tribune mag actua y cu publico no por expresa aprobacion ni desaprobacion y lo mester sinta keto. Tur esaki ta reglanan durante reunion. Pafor di reunion tin solamente cierto reglanan pa publico su vestuario y cierto comportacion.

Den mesun articulo aki ta indica cu e presidente por actua tanten esaki no ta stroba e principio di openbaarheid. E punto aki tabata un punto fuerte pa gana e caso. E hecho cu prensa ta expresa negativo di presidente no por ta un motibo pa nenga entrada pa 3 luna. Esaki a bay leu.

Wyatt-Ras ta trece padilanti cu e tambe a tabatin su dificultadnan cu prensa pero nunca no a saca prensa for di Parlamento. E tabatin hasta problema cu sr. Andrade pero no a sake for di Parlamento pasobra e tin respet pa libertad di prensa. Pa loke ta trata sinta riba stul di presidente esaki tambe na un cantidad di ocasion ta sosode ora tin bishitantenan.

Wyatt-Ras ta indica di a firma den Parlamento hunto cu diferente parlamentario e acuerdo di Chapultepec durante bishita di representantenan mundial di periodismo unda ta indica cu mester respeta libertad di prensa. E hecho cu e presidente actual Thijsen a yama un seniorenconvent y a haya sosten di e coalicion pero no di fraccion di AVP no tabata por den e caso aki.

Por sosode si unda cu tur miembro di Parlamento ta di acuerdo cu otro y ta yama un reunion, por tambe un Comicion Central, y por aproba cu ta desvia di reglement van orde of por cambia e reglamento y cu aprobacion di tur Parlamentario por tuma tal decision cu ta otro cu reglement van orde pero den e caso aki e no a haci como tal. Ta straño cu e presidente aki, un jurista, y cu tin varios colega jurista den e partido ey y niun no tabata sa esey.

Wyatt-Ras ta haya importante si cu tin respet pa otro pero el a ripara cu e presidente aki ta midi cu dos midi. Un ehempel di esey tabata e reunion publico di ayera durante cual e presidente a laga publico ta yama parlamentarionan di AVP pa tur sorto di cos sin coreccion di nan, pero den e caso aki si ta skohe pa saka prensa afor. Un presidente mester ta imparcial y no laga su propio sentimento of interes gui’e den sala di Parlamento.

- Advertisement -

DUNA COMENTARIO

Please enter your comment!
Please enter your name here