Home Gobierno Prome Minister a splica Gobernador cu lo cera aña cu deficit financiero...

Prome Minister a splica Gobernador cu lo cera aña cu deficit financiero di 100 miyon florin

70
0
SHARE
- Advertisement -

ORANJESTAD (AAN) – Diamars atardi Minister Presidente a realiza su di dos bishita na Gobernador sr. Alfonso Boekhoudt, desde cu el a asumi e cargo di prome minister di Aruba.

Den encuentro cu prensa na su salida for di Gabinete di Gobernador, e mandatario a comenta cu na prome lugar a informa Gobernador di con dificil e cuminzamento tabata unda cu hopi atencion mester a bay na organizacion di Bestuurskantoor.

Esaki a encera cu no tabata tin documentonan, tampoco computer, y nan mester a busca manera pa cuminza funciona. Tin telefonista pero e telefon no ta funciona bon, y asina tin diferente obstaculo, pero cu tog lo no kibra gobierno pa funciona. E minister a cuminza bishita nan respectivo departamentonan, cu excepcion di su persona y minister di finanza cu no a logra ainda.

E dignatario a papia cu Gobernador tambe tocante e tema financiero cual tin hopi reto su dilanti y cu awor si ta sigur cu gobierno no ta bay logra loke ley ta prescribi cu ta cera e aña aki cu ningun deficit adicional.

Pero awor ta mustra cu gobierno lo cera e aña cu un deficit di casi 100 miyon florin adicional, y esaki ta un reto grandi y ta importante pa Gobernador ta informa di e situacion aki, pa por si acaso e ta haya algun pregunta of comentario di Hulanda, e por bisa esaki tambe.

A elabora tambe riba e problemanan social y e dia di luto awe. E mandatario a splica Gobernador kico ta e intencion, cu e no ta un dia liber pero un dia di luto unda a uni hunto ta mustra cu ta condena loke a pasa y cu tin e determinacion pa e no pasa nunca mas.

 

- Advertisement -

DUNA COMENTARIO

Please enter your comment!
Please enter your name here