Pueblo furioso pa e sentencia ridiculo di seis luna condicional den e caso di Mitch Henriquez

    311
    0
    SHARE
    - Advertisement -

    ORANJESTAD(AAN): E reaccion riba Social Media tabata grandi!  Pueblo di Aruba den su totalidad a keda babuca, y hopi disgusta ora e sentencia a bira conoci.

    Na Hulanda tambe por a tende e mesun reaccion, di hendenan furioso.

    Dos agente cu tabata envolvi den e aresto di Mitch Henriquez, a wordo sentencia na un castigo di prison condicional di seis luna.

    Si dentro di un aña un biaha mas un delito penal wordo haci, e por bira un castigo incondicional.

    E agentenan DH01 y DH02, cu tabata presente durante e veredicto, a haci nan mes culpabel dilanti mesa berde na Den Haag di maltrato cu consecuencia fatal.

    Cu e nekklem cu DH01, nan lo a causa e morto di Henriquez. Corte no a mustra riba e hecho di “doodslag”, pasobra e causa di morto no a wordo estableci precisamente. E vonnis a wordo dicta na un corte bon sigura na Schiphol.

    Tanto e nekklem di e agente DH01, como e golpi den e cara di Henriquez y fregamento di pepperspray na e wowonan door di agente DH02, no tabata hustifica, segun hues a dicta.

    Mas detaye den seccion “Noticianan di Hulanda” di awe den DIARIO.

    - Advertisement -

    DUNA COMENTARIO

    Please enter your comment!
    Please enter your name here