Home Hudicial Razzia na cas di Marko Espinoza enbusca di equiponan horta di Gobierno

Razzia na cas di Marko Espinoza enbusca di equiponan horta di Gobierno

194
0
SHARE
- Advertisement -

ORANJESTAD (AAN): For di ora cu Gobierno nobo a sinta, boletinnan a circula mustrando cu hopi equipo den Bestuurskantoor a desaparece.

Hendenan cu a yega di drenta e oficinanan di Prensa di Prome Ministro Mike Eman, sa cuanto equipo y computer tabatin eyden.  Hasta e monton di fotografonan cu tabata ocupa e lugar ey tabata post potret di nan oficina riba Facebook.

Como cu no ta aceptable den e mundo di awendia pa hende bay cas cu equipo di cual Gobierno a cumpra, corectamente a entrega keho.

Mesora Departamento di Impuesto, hunto cu Fiscal di Ministerio Publico a traha riba esaki, y a mira cu e ta un caso grave.

A cuminza check lista di tur equipo poni den inventario, y Departamento di Impuesto a registra un sin fin di ekiponan cumpra cu placa di Gobierno bou tempo di AVP y ora un team special di SIAD a bin haci inventario a tuma nota cu di berdad falta hopi cos.

E equiponan di mas importante cu a desaparece, y esnan mas costoso, ta esnan Audio Visual cu ta Broadcast Quality.

Pa hopi tempo, prensa di Aruba tabata mira con e funcionarionan di Gobierno tabata cana cu aparatonan sofistica di video, di webcams, y tambe un sin fin di camera Nikon pa saca potret di tur angulo.

Pero ora cu Gobierno nobo a sinta, tur e equiponan aki a desaparece.  Pesey corectamente a laga haci investigacion administrativo cu tur e recibonan cu gabinete Mike Eman a cumpra na material y ekipo.

Investigacion ta andando ainda. Ta hopi ekipo a “somenta”. Y nan mester wordo recupera pasobra nan a wordo cumpra cu placa di pueblo.

Ministerio Publico a dicidi pa actua rapidamente prome cu e equiponan aki ‘sigui desaparece’.  Esey a pone cu Diahuebs atardi, autoridad hudicial a tene diferente razzia na e.o. cas na Dakota y tambe den area di Lagoen.

A bishita e ex-coordinador y man drechi di Mike Eman, esta Marko Espinoza na su cas na Cantaloupestraat.  Lo tabata tin sospechoso cu Espinoza lo por sa y posibel lo por tin un of otro ekiponan di Gobierno anterior y a haci entrada hudicial na su cas na Cataloupestraat y tambe na un otro cas mas na Lagoen.

Hopi detaye no por a haya, pero si a confirma cu autoridad a tuma varios equipo haya na e cas den beslag relaciona cu e caso bou investigacion.

A bishita mas cas y hasta interogacionnan a tuma luga unda cu tin cu saca afo unda e restonan di ekipo di Gobierno ta. Pero pa no daña e investigacion ta lage asina te ora cu Minister Publico informa esaki, ya cu no ta conoci di mas hende por haya bishita y cay deteni.

Marko Espinoza a keda deteni tambe pa mas investigacion.

- Advertisement -

DUNA COMENTARIO

Please enter your comment!
Please enter your name here