Home Economia Reapertura di Qredits den edificio nobo na Playa

Reapertura di Qredits den edificio nobo na Playa

34
0
SHARE
- Advertisement -

ORANJESTAD (AAN) – Recientemente a tuma lugar e reapertura oficial di Oficina di Qredits den su localidad nobo. E tres personanan cu a hiba palabra ta sr. Oliver Vieira, Consehero di Qredits, sr. Edwin Groenevelt Fundador di “Ondermemend Nederlands” Y sra. mr. Evelyn Wever-Croes, Minister Presidente.

Señor Oliver Vieira, Consehero di e empresa, a hiba palabra como prome Orado. El a expresa palabranan di bon bini na tur presente, entre otro prensa, partners y clientenan, como tambe na Prome Minister sra. mr. Evelyn Wever-Croes.

Vieira a cuminza bisando cu despues di prome cu muda pa nan oficina nobo na Playa nan tabata ubica na MFA Noord.

E historia di Qredits a cuminza siete luna pasa na unda nan a haya hopi interes di hende cu kier a bira comerciante pa yega na financiamento y cuminza nan negoshi.

El a duna di conoce cu te aworaki 23 diferente negociante y tin mas den pipe- planning pa bin acerca y e compania ta hopi entusiasma pa e comerciantenan aki yega na nan soñonan.

Hopi di e clientenan di Qredits tabata presente y sr. Vieira a expresa cu nan kier a celebra cu nan, pasobra nan kier pa nan yega na nan soñonan mescos cu e compania a yega na su soño di su oficina nobo.

El subraya cu Qredits tey en general pa sostene su miembronan di diferente manera di cual un ta e financiamento, pero tambe nan ta duna servicio di coaching y ademas ta dedica tempo pa e emprendedornan na set up nan negoshi.

- Advertisement -

DUNA COMENTARIO

Please enter your comment!
Please enter your name here