Home Turismo Renaissance Aruba a keda certifica na nivel di oro cu EarthCheck Gold...

Renaissance Aruba a keda certifica na nivel di oro cu EarthCheck Gold Certificate

14
0
SHARE
- Advertisement -

ORANJESTAD – DEC– Despues di pasa e auditoria exitosamente durante 5 aña consecutivo, e fin di aña aki Renaissance Aruba tin extra motibo pa celebra ya cu nan a alcansa nivel di oro di EarthCheck.

E status aki ta wordo alcansa door di un empresa cu continuamente ta busca maneranan pa mehora den e practica ‘berde’ y cu den forma sostenibel ta trece cambio cu na largo plaso ta duna resultadonan beneficioso pa e empresa.

Recientemente Renaissance Aruba Resort & Casino a bolbe pasa e auditoria cu exito y e biaha aki a ricibi un EarthCheck Gold Certificate!

Di acuerdo cu Paul Gielen, General Manager di Renaissance Aruba, “Nos ta masha contento di por ricibi e reconocemento aki, e ta corona tur esfuerso cu nos ta haci riba nivel ambiental.

Ademas di esaki e ta un motivacion pa tur colega; e compromiso cu nos tin cu e practicanan na beneficio di medioambiente ta dunando e resultadonan desea. Un EarthCheck Gold Certificate sigur ta prueba di dedicacion y disciplina di tur cu ta labora na nos empresanan”.

E programa di EarthCheck ta ofrece evaluacion comparativo (benchmarking), certificacion y mehoracion den sistemanan cu ta asisti den practicanan sostenibel pa cu industria turistico internacional.

E programa di EarthCheck cu ta vigente for di 1987 ta ofrece un sistema di certificacion y auditoria cu ta responde directamente na e problematica mayor den medioambiente global.

Esaki ta inclui e ‘greenhouse effect’, mal uzo di awa, destruccion di biodiversidad y produccion di sushi biologico. Na 2014 Renaissance Aruba a obtene su certificacion di zilver y a sigui traha duro pa conscientisa tanto empleado y huesped di e importancia di e practicanan na beneficio di medioambiente. E aña aki Renaissance Aruba a pasa version 3.5 di e auditoria, esaki a inclui 522 camber, 2 casino, e convention center y tambe Renaissance Private Island.

Awe na 2017, Renaissance Aruba ta keda certifica nivel di oro, esaki tin un balor grandi den e practicanan cu ya caba Renaissance Aruba Resort & Casino tin. Por haci mencion di panelnan solar cu ta wordo uza, maneho di reciduo/ sushi y varios otro practica cu ta ser pidi serca e huesped y empleado.

Tur esaki a contribui na un EarthCheck Gold Certificate. Renaissance Aruba Resort & Casino ta felicita tur colega cu e bunita logro aki.

- Advertisement -

DUNA COMENTARIO

Please enter your comment!
Please enter your name here