Home Politica Rocco Tjon ta mira 2018 como un aña activo pa Parlamento

Rocco Tjon ta mira 2018 como un aña activo pa Parlamento

63
0
SHARE
- Advertisement -

ORANJESTAD(AAN): Ya MEP a traha su jaarplan como partido y ya cada area lo bay haya nan atencion y tin proyectonan concreto tambe cu lo kier realisa pa asina presenta e proyectonan aki tambe na e gabinete actual.

Esey ta loke Rocco Tjon cu ta lider di e fraccion di MEP a splica durante entrevista. Si mira e aspectonan social, parlamentario Tevreden, lo bay mira tur posibilidad pa bin cu un staatscreche, pa asina alivia e famianan humilde pa e gastonan aki.

Si wak e parti husticia, a amplia hopi biaha caba. Pa loke ta academia di husticia a amplia, a amplia riba un prizon sostenibel. Tur e tipo di proyectonan aki lo bay explora tur posibilidad cu tin, pa asina tambe presenta esaki como un proyecto completo y integral pa asina presenta esaki na e gabinete actual. Banda di esey parlamento ta e poder legislativo. Tin hopi ley anticua cu lo mester bay revisa.

A traha un lista caba di prioridad den nan concepto y tambe leynan nobo cu lo bay introduci. Por ehempel entre otro esun pa percura pa di awor padilanti semper, ora tin un traspaso di poder cu un otro gabinete bay asumi su responsabilidad, pa evita cu lo bay tin discusion den prensa, si e traspaso lo tabata uno bon of no, djis pa elimina full e paso ey y reglamenta pa esaki ta semper ta uno bon.

Na Madre patria Hulanda nunca esaki tabata ni un topico di discusion ora un gabinete cambia. Esaki tambe lo bay percura pa reglamenta esaki den ley awor aki.

Autoridad:

Polis a yega di perde autoridad den pasado. Esaki ta un tooling importante pa haci e trabao cu tur facilidad. Segun Rocco Tjon, den e LTU nobo, si wak un rato e aspectonan di stranheria, eynan polis lo mester haya e autoridad back pa por haci nan controlnan debido. Esaki no nifica cu ta bay kita autoridad por ehempel di un IASA of un Warda nos Costa.

Tin cu duna e polis tambe e autoridad aki pa asina e por haci su trabao mas miho. E tin di haber tambe cu su siguridad. Na un otro banda, mester bay explora posibilidad pa bin por ehempel cu toolsnan manera cu nan tin atrobe na Hulanda, unda cu por bay traha cu prohibicion den cierto areanan.

Si ta frecuenta cierto area y constantemente ta percura pa molester y kibra ley den e areanan ey, por bay haya un prohibicion pa tanto dia, pa tanto ora, pa drenta den e areanan ey. Asina ta bay percura pa na final di dia polis por traha mas miho, mas eficiente, cu ta cumbini e comunidad.

Un aspecto hopi importante y dimes esaki tin di haber cu e aspectonan financiero tambe. Mester bay wak e posibilidadnan, pero algo cu no por keda tin bin cun’e. Si kier bay combati criminalidad mas miho y vooral pa e polisnan tambe por traha na un manera safe, como tambe e cadena hudicial, mester bin cu un sistema automatisa unda cu ta bay sincronisa tur departamento cu otro, pa asina e polis tin tur informacion cu e tin mester, na e momento cu e mester di dje tambe pasobra na final di dia, e ta bay ta na bienestar di su mesun siguridad.

 

 

- Advertisement -

DUNA COMENTARIO

Please enter your comment!
Please enter your name here