Home Parlamento Saca e simbolo di parlamento foi den sala ta muestra di un...

Saca e simbolo di parlamento foi den sala ta muestra di un stempel Parlement

23
0
SHARE
- Advertisement -

drs. Mervin Wyatt-Ras:

ORANJESTAD (AAN): Coalicion envez di goberna, presenta presupuesto y otro leynan na Parlamento ta pone su Parlamentarionan mina autonomia di Parlamento door di saka e simbolo di Parlamento foi sala.

Diabierna dia 8 di december den un reunion di Comision Central e coalicion nobo a dicidi cu nan ta bay saca e simbolo of logo cu parlamentarionan di diferente constelacionnan y colornan politico den añanan anterior a traha riba dje.

Esaki djies pa un capricho cu e escudo di Aruba so por ser colga den sala di Parlamento. Wyatt-Ras ta haya cu aki ta mina tur loke Parlamentarionan di diferente signatura politico a acorda. Tabata conoci cu ministro Presidente nobo nunca no a gusta e simbolo di shoco y a haci politica cu esaki.

Tur hende cu tin tiki conocimento sa cu un logo no ta mescos cu nos escudo nacional. Y cu e escudo di Aruba semper t(a) ser respeta door di tur partido y pais. E hecho cu ta ser haci comosifuera cu e logo di Parlamento lo remplasa e escudo no ta cuadra cu realidad. Por nota alavez den diferente pais den Reino cu tur tin banda di nan escudo nacional e simbolo di Parlamento y cu esaki ta ser colga den e sala di Parlamento.

E parlamentarionan den coalicion a bay te asina leu cu no a tene cuenta cu un miembro di nan constelacion cu ta ex-presidente di Staten, señora Lopez-Tromp, cu den su temporada como presidente a laga colga e simbolo di shoco na muraya den sala di Parlamento. Aki no ta respeta e miembro aki di coalicion. Su propio fraccion tambe a lage na caya. Paso den e reunion di comision Central den ausencia di Lopez-Tromp tur a bay di acuerdo pa saca e shoco.

Wyatt-Ras ta lamenta esaki profundamente. E ta puntra su mes si esaki lo ta parti di tira awa den biña.

Wyatt-Ras ta indica cu desde 2008 tempo cu Wyatt-Ras tabata presidente di Parlamento pa promer biaha a continua cu e proceso di yega na un simbolo of logo di parlamento. Tur parlamentario tabata eens pa yega na un propio logo pa Parlamento. Ora na 2009 a bay pa aproba e logo, Parlamento a pidi pa mand’e pa Hoge Raad pa conseho. E constellacion siguiente a dicidi cu lo kier un otro diseño y a skohe esun di un shoco. A sigui cu e proceso y yega na e version final.

Durante e reunion cu a trata un carta cu advies di comision di Asuntonan domestico Wyatt-Ras a nota cu den e discucion no tabatin espacio pa cambio di opinion paso e resultado ya caba lo tabata “palabra” entre e gobierno y Parlamentarionan di coalicion. Esaki sigur ta senjal di un Stempel Parlement cu no ta dicidi pa su mes pero cu ta bin Parlamento cu decision ya tuma door di gobierno unda no tin ni espacio pa tene cuenta cu e ex-Presidente corda pa cu fraccion di AVP.

 

- Advertisement -

DUNA COMENTARIO

Please enter your comment!
Please enter your name here