Home Deporte Sarah-Quita ta mira aña 2017 como uno di hopi reto fisico y...

Sarah-Quita ta mira aña 2017 como uno di hopi reto fisico y mental

74
0
SHARE
- Advertisement -

ORANJESTAD (AAN) –  Den un entrevista cu Sarah-Quita e ta refleha ariba un aña de competencia cu hopi reto fisico y mental. Na final di April 2017 e temporada di practica, test equipo y train a clausura.

Despues e temporada di competencia den tres disciplina a cuminsa esta den Slalom, Freestyle y Ola. E aña aki ora conta e cantidad di ora cu SQ a pasa den avion sin conta e oranan ta warda na aeropuerto el a pasa 11 dia ta bula.

E promer parada di e PWA Tour tawata Asia na Korea y Japon den e disciplina slalom unda e ta logra gana e eventonan aki. E disciplina aki ta un di careda y speed caminda e equipo ta hopi grandi tanto e vela y e tabla cu por ser considera un embarcacion chikito cu cua mester lora rond di 3 pa 4 buoy contra y dilanti di biento cu ta exigi cierto habilidad nautico di precision.

Ademas pa e disciplina aki el a competi na Dinamarca y New Caledonia, unda e prueba di forsa mental tawata sin igual como cu Sarah-Quita tawata core e peliger di yega laat na e evento pa falta di vuelo desde Mexico via Amsterdam y Tokio pa e islanan den Zuid Pacifico.

Finalmente e ta yega agota y cu e diferencia di tempo cu a suma 13 ora y ta tarda pa adapta na e zona, Sarah-Quita ta enfoca ariba retene e titulo di campeon mundial cu ya na Dinamarca el a ser otorga pero pa un pifia humano di e organisacion e mester participa na e evento pa cementa su Victoria.

Siguiente mente e tin cu competi den e disciplina di Ola cu ta exigi full un diferente set di equipo y maniobra caminda mester busca ola pa nabega zig zag ariba y hasi saltonan technico specifico. Den e disciplina aki el a cuminsa competi na aña 2014 pa tin un otro  reto den windsurf.

Den esaki e ta demostra cu apesar cu e ta bin di un pais unda no tin ola  su prestacion ta mehorando cada aña y ya pa 3 aña sigui e ta 2do finalista ariba ranking mundial den ola. Na Islas Canarias: Gran Canaria y Tenerife  tambe na y Sylt, Alemania e ta un contrincante fuerte.

E disciplina di scogencia di SQ ta maniobra libre,  esta freestyle unda e ta logra pa 10 aña sigui sali na promer lugar.

Sarah-Quita ta desea pueblo y bishitantenan di Aruba un prospero Aña 2018

Por sigui Sarah-Quita na : www.sarah-quita.com, FB: sarah-quita Offringa aru-91 y instagram: cabeibusha.

Logronan

10x PWA Women’s Freestyle Worldchampion

2008, 2009, 2010, 2011, 2012,2013,2014,2015,20162017

3x Aruba overall Athlete of the year award

 2007, 2008, 2009

4x PWA slalom worldchampion 2011, 2015,’16,’17

1x PWA slalom youth champion under 22, 2011

Dbl. PWA freestyle/slalom worldchampion

 2011, 2015, 2016, 2017

Isaf rolex worldsailor of the year award nominee

2011, 2017

                Netherlands Wave Champion 2013

                PWA Women’s Wave overall ranked 3rd place in 2015, 2016, 2017

                EFPT European freestyle pro tour Women Champion

                2015,2016,2017

 

               

 

 

- Advertisement -

DUNA COMENTARIO

Please enter your comment!
Please enter your name here