Home Enseñanza SETAR ta kere fervientemente den proyecto digitalizacion den enseñanza

SETAR ta kere fervientemente den proyecto digitalizacion den enseñanza

20
0
SHARE
- Advertisement -

Sr. Roland Croes, director:

ORANJESTAD (AAN) – Director di SETAR, señor Roland Croes, den conferencia di prensa relaciona cu e Acuerdo firma cu Gobierno, encuanto e plan di digitalizacion pa scolnan, a expresa su satisfaccion tambe.

E funcionario a expresa cu pa SETAR esaki ta un momento di alegria. E compania, pa basta aña caba ta contribui manera cu nan por, cu wifi pa scolnan pasobra nan ta kere fervientemente den e sistema aki pa enseñanza.

Esaki den sentido cu pa SETAR comunicacion ta asina importante, pasobra ora nan bin den contacto cu informacion esey ta haci nan manera di wak e mundo mihor, y ta yuda den e desaroyo di Aruba, en general.

Mirando esey, den e caso aki SETAR a wordo sorprendi un tiki cu e periodo cu nan a haya pa finaliza e proyecto pasobra nan tin cu wak tur scol, core rond mira kico mester bay pone y discuti cu bestuurnan riba loke nan ta bay haci.

Esaki a logra en dos dia, y eynan a bin ripara cu falta un suma ainda, anto pa e proyecto no keda na mitad SETAR a contribui cu e suma cu a falta pa esaki bira realidad.

E bestuurnan a comunica tambe cu nan scolnan pa monitor esaki ya cu SETAR mester sa kico ta pasando cu tur nan network pa asina wak si nan tin cu crece of no y añadi mas capacidad.

Esaki SETAR a tume como responsabilidad propio, y a bay un tiki mas leu cu esey pasobra e compania ta biba di pueblo di Aruba cu ta su clientenan cu ta doño di e compania, sr. Roland Croes a expresa.

E compania ta sinti cu mester duna algo bek na pueblo y e mihor forma ta duna e studiantenan e facilidad aki. El a bisa cu final di aña ta e periodo perfecto tambe, pa gradici e pueblo su contribucion y fidelidad na e compania nacional di telecomunicacion, pa cual e aña aki tambe tabata hopi bon.

El a gradici gobierno pa e oportunidad di por a coopera cune tambe, y SETAR lo sigui yuda te unda cu por.

- Advertisement -

DUNA COMENTARIO

Please enter your comment!
Please enter your name here