Home General Sindicato STA ta organiza su seminario dianan 7 y 8 di December

Sindicato STA ta organiza su seminario dianan 7 y 8 di December

17
0
SHARE
- Advertisement -

ORANJESTAD   (AAN): Sindicato STA lo bay tene un evento, un seminario. Tin diferente persona lo bay ta orador. Diego de Cuba, presidente di STA a comenta riba e seminario aki y e motibo tras di esaki, kendenan lo tey, pa asina esnan cu kier participa y tambe con e participacion lo ta, riba e seminario aki.

El a comenta cu Sindicato STA a mira e necesidad pa informa su delegadonan, primordialmente riba e situacion cu nos pais ta pasando aden y ta pesey mes por a mira tur e personanan cu ta bay participa na e seminario aki, pa concientisa nan tambe, precisamente riba e situacion di nos pais Aruba y tambe e cambiona necesario cu mester bin den e sector laboral, vooral awor aki sa cu tin un cambio den Gobierno y a bisa cu e momento a yega cu mester berdaderamente informa nan di e situacion real. No por keda biba den un limbo.

Ta bay tin hende manera Ben Marapin ta bay papia, riba e parti di economia. Tambe tin drs. Mario Croes lo bay papia. Tin Ramphis Kolfin y Ramsey Acosta cu lo bay elabora riba fondo di pensioen.

E ta bay ta un conferencia bastante extenso. Ta bay tin Leo Yarzagaray tambe cu lo bay papia riba e situacion di e consumidor. Y tambe kier bay enfatisa riba e pida caminda cu kier mira tur hende aki na Aruba, vooral e clase trahado, bay traha 40 ora pa siman y no 45 of 48 ora. Kier pa e clase trahado haya mas espacio pa nan por cumpli cu e bida social.

Sa cu Aruba tin boshi problema social. Sa cu tin famianan cu tin hopi problema cu debe. Tambe den e congreso aki ta bay tin un full un parti caminda cu lo bay educa e delegadonan riba Deudocracia, caminda cu bo ta hinca den asina hopi debe cu bo no ta mira espacio mas. Y bo ta cay den panico.

Hopi hende aki riba, ta haci debenan inecesario y kier bay concientisa nan, pasobra den e mesun seminario aki, ta bay tin un curso chikito, caminda lo bay tin buki, caminda lo bay duna nan tambe esaki y por wak e ora con nan por maneha nan placa mas miho.

E ta un seminario hopi varia, no pa informa nan so, pero pa educa nan tambe. STA a mira e necesidad aki pasobra cu e sindicato ta den un reorganisacion total y kier pa e delegadonan, pa ta e promenan informa. STA ta bay cambia su statutonan tambe, mirando cu STA a pasa 40 compania y pa maneha 40 compania, e cos aki ta hopi dificil y sindicato STA ta representa mayoria di e companianan estatal aki na Aruba. Ta dos so no tin, cual ta SETAR y WEB. Pero por lo general, tur e otronan ta STA ta manehando nan.

Awor aki e trahadonan di Servicio Postal tambe a afilia na STA. Awor aki e momento a yega cu tin di bay reorganisa formalmente y a papia cu minister caba riba esaki y cartanan a bay caba tambe pa nan haya nan espacio. Segun de Cuba, den un futuro hopi cerca, na 2018, lo logra nan meta.

E conferencia/seminario aki, lo bay tuma luga dia 7 y 8 di December, esta diahuebs y diabierna. Ta cuminsa for di 8’or y mey di mainta te cu 4’or y mey di atardi. E lo ta na Piedra Plat Entertainment Center. Eynan tin un espacio cu a yega di uza den pasado y e ta hopi bon. Tur facilidad ta bay tey eynan pa tur e delegadonan y tur esnan cu a wordo invita.

Ta bay tin nan desayuno, y lunch. Ta bay tin cos di bebe. No mester preocupa cu esey. Ta bay tin cosnan pa skirbi tambe. Ta bay haya full un booklet caminda cu nan por skirbi nan anotacionnan. E ta bay ta dos dia bastante extenso na Piedra Plat Entertainment Center.

De Cuba a agrega cu a prepara esaki debidamente. Ta un programa basta bon hinca den otro. E oradornan cu ta bay tin y esnan cu ta bay participa na e congreso aki ta bon prepara. Nan sa kico nan ta bay papia di dje.

 

- Advertisement -

DUNA COMENTARIO

Please enter your comment!
Please enter your name here