Home Deporte Speedworld cu boso amigo Hubert Furai Tiel

Speedworld cu boso amigo Hubert Furai Tiel

37
0
SHARE
- Advertisement -

Speedworld 30 nov 17

ORANJESTAD (AAN)—Amigonan amantenan di e fabuloso mundo di Motorsport, un cordial bon bini na boso pagina di tur siman, tanten cu papa Dios ta permiti nos esey. E siman aki, SW kier a dedica un tiki tempo na loke tabata e careda di Drag cu a tuma lugar fin di siman pasa ariba International Raceway Park Palo Marga.

Caminda cu nos por a wak basta accion den e diferente categorianan y sigur un di e categorianan cu a hala basta atencion, tabata esun nan di Import y Pro Bike., cu sigur a demostra cu hopi ta esnan cu ta gusta e categorianan aki cu ta presenta momentonan cu hopi adrenaline.

Loke SW a haya hopi interesante di henter e ambiente aki, ta cu nos Palo Marga a haya bishita di Endy Croes, den representacion di Mini Deporte y cu a haci uso di e oportunidad, pa haci entrega di un bunita placate di reconocimento na Ceril Adamus, y na mis un momento a duna di conoce, cu awo si e deporte di Drag Racing y Karting lo bay haya su debido atencion.

SW ta spera cu tur e bunita palabranan aki, no bay keda na palabra so y cu di berdad pa otro aña padilanti, nos por wak hopi trabou nan di recuperacion y renovacion pa cu e deportenan di Drag y karting.

Ta asina cu SW ta na haltura di un caso cu tin andando, caminda un grupo di Kartista cu ta sinti na mes perhudica y a dicidi pa Sali busca e posibilidad di haya un pida tereno pabou di unda antes tabata keda Drive inn y caminda lo a traha un pista cu ta carga eventonan di Karting, motocross y Drifting, pero e grupo mester a bin tende cu e tereno ey lo wordo destina pa criamento di Porco.

Algo sigur incomprendible cu pega cu un caminda principal, ta bay laga traha un criadero di Porco. Sw kier a manda palabra di pabien na tur esnan cu durante 2017, a sa di representa nos dushi Aruba tur cu tin den ki forma cu tabata posible.

Pa 2018, nos ta spera di por tende mas di nos hendenan cu ta bay defende nos bandera tur cu tin y na unda cu ta. SW lo ta trahando duro pa asina por na 2018, Sali cubri tur loke tin di haber cu Motorsport, caminda nos hendenan ta bay competi.

Halooo si tin sponsor cu kier cera un deal, nos portanan ta hancho habri pa cu esaki. Anyhow amigonan, espacio a yena caba y nos tin di bay sigui cu otro trabou.

Te cu otro siman cu poder di Dios y spera cu specialmente den e temporada aki, boso cu ta haci uso di e careteranan di Aruba, corda semper cu ariba caminda nan, ta pa core basila, chill out y ariba pista ta mara trot den bom.

No ta haci uso di e cel, mientras cu bi ta stuur y laga coremento duro pa Polis, Brandweer, Ambulance y Speedworld.

- Advertisement -

DUNA COMENTARIO

Please enter your comment!
Please enter your name here