Home arte y espectaculo Stichting Musica cla cu tur sosten pa Caiso y Monarch dia 27...

Stichting Musica cla cu tur sosten pa Caiso y Monarch dia 27 Januari 2018

67
0
SHARE
- Advertisement -

ORANJESTAD(AAN): Stichting Musica a tene un conferencia di prensa den presencia di ehecutivo di Setar mes, cual ta e sponsor principal di loke ta bay bira Ciaso & Soca Monarch 2018. Tambe tabata tin representantenan di Elite Productions. Tabata tey tambe Tropical Bottling pa e festival aki.

Un di esnan cu ta hala mas hende durante temporada di carnaval y tambe un di e accountingnan tambe cu ta maneha e accountnan di Stichting Musica y cu awe por bisa na 2017 nan ta sumamente contento con tur cos a bay y hasta tur hende a wordo paga.

Edwina Werleman ta un di e motornan incansabel di Stichting Musica y el a conta kico por spera. Manera cu aña habri, ambiente di musica di carnaval ta cuminsa, despues cu e dande y e pagara tuma luga.

El a splica cu a tene e ultimo reunion di e aña aki cu e musiconan pa asina mustra nan con leu nan ta y kico nan a haci caba y kico ta e proximo pasonan. E reunion a bay hopi positivo y tabata tin bon atendencia, cual Werleman a gradici nan pa nan presencia.

Awe a habri cu un conferencia di prensa pasobra trabaonan tin di sigui y aña tin di habri. Tin cu caba di scucha nos Dande y ta cla pa sigui. Pa e temporada nobo, Aruba Caiso & Soca Monarch 2018, ta cuminsa pa tin e inscripcionnan cu a pidi un deadline pa Januari 8, via email.

Pero Januari 10 lo tene un evento pa yama prensa hunto, pa bin asina pa ser conoci cu e participantenan. Ta yam’e e dia di Meet the Press. Esey lo tuma luga na Centro di Bario Brazil, mescos cu e aña aki. Despues di esey lo ta den preparacion pasobra e festival lo ta Januari 22, 23 y 24, como Pre-finals y e festival su final ta riba diasabra, dia 27 di Januari.

Riba un fase di tur aña bo ta eligi un Roadmarch, bo ta titul’e como un king y despues di un paar di siman, bo practicamente eligi un otro cancion. Mirando riba peticion di e propio musiconan, no lo bay tin un roadjam, sea Stichting Musica lo no eligi un roadjam, pero si ta bay traha man den man cu SMAC, pa asina haci un premiacion mas grandi pa e banda di aña. A analisa y lo bin cu criterianan nobo, cu hunto cu SMAC, no ta di Stichting so, sino Stichting Musica y SMAC, hunto, lo saca e premio di banda di aña.

Tabata tin un total di 102 cancion den 2017, cual ta un exigencia di Stichting Musica. Nan tabata sumamente contento e aña aki, cu tabata tin asina tanto cancion participante. Ta conta cu pa e aña 2018, e nivel keda crece y ta prepara nan mes pasobra for di inicio di Stichting Musica, a bisa cu kier hiba e festival di Aruba Caiso & Soca Monarch, na un nivel halto. Na un mega event.

Pesey si wak bon, cada aña ta tuma un stap extra y un stap positivo. Ta rondia un algo pa engrandece e festival cun’e. Pa 2018, a yega na acuerdonan cu e compania Elite, pa asina yuda pa pone un miho escenario, miho na zonido y miho lusnan di efecto. Tur esaki ta bay duna un calidad superior na locual nos conoce caba.

Evento grandi

Werleman ta gradici na miembronan di prensa. Nan ta e sosten di mas grandi Stichting Musica y nan ta conta riba cada paso cu Stichting Musica dal, informa prensa pa asina nan por informa e pueblo pa ta na altura kico ta pasa, con e ta bay pasa. Pasobra tin un punto hopi importante cu a realisa, ta cu miho informa prensa ta, miho informacion pueblo ta ricibi y miho sosten e musiconan ta conta cun’e.

E musiconan ta e highlight of the evening. Sin nan, no tin un festival. Nan ta hunga e rol hopi importante, pero sin sosten di miembronan di pensa, pueblo no ta wordo informa. Ta pesey e fundacion ta gradici nan en general y lo sigui brinda nan paso pa paso, cada paso cu nan haci segun cu e festival ta bay.

Dianan 22, 23, 24 di Januari, ta e prefinalnan di Caiso & Soca Monarch lo tuma luga y dia 27 di Januari, den Carnival Village di San Nicolas e ambiente lo sigui.

 

- Advertisement -

DUNA COMENTARIO

Please enter your comment!
Please enter your name here