Home Social Stichting Rancho ta bay yuda dos studiante di Universidad cu proyecto social

Stichting Rancho ta bay yuda dos studiante di Universidad cu proyecto social

9
0
SHARE
- Advertisement -

ORANJESTAD    (AAN): Tin dos studiante di ‘Social Work’ (Trabao Social) di Universidad di Aruba cu ta bay hasi un proyecto atravez di Stichting Rancho, como stage.

Coordinador di centro di actividad di Stichting Rancho Ginelly Quandt a splica cu e studiantenan ta bay organiza un actividad social cu tin di haber cu dia 10 di December, cu ta Dia Internacional pa Derechonan Humano.

“Nos di Stichting Rancho ta sumamente contento pa ricibi studiantenan di Universidad, mirando cu nan ta hopi cerca di e bario”.

“Di awor pa dilanti nos kier sigui den e movimento aki y nos kier pa studiantenan bin akinan cerca nos, pa hasi mas proyecto asina”.

Esaki segun Quandt, kende a sigui bisa cu e fundacion ta hopi contento di por duna e studiantenan guia, pa asina nan por crea actividadnan cu no solamente por trece algo positivo pa e bario, sino tambe pa Aruba en general.

Pa loke ta e centro di actividad di Stichting Rancho, esaki a wordo habri na 2016 y nan a cuminza poco poco y awor ta trahando pa haya fondo pa na 2018 bin cu mas actividad social y cultural pa e bario di Rancho, pero tambe pa tur hende cu ta interesa den e bario y pa sa su historia.

Esaki segun e coordinador di e centro, kende a sigui bisa cu tin hopi school, artista y hendenan di afo ta busca un manera pa traha cu of atravez di e stichting, pero door di falta di fondo esaki tin biaha ta dificil.

Stichting Rancho na 2018 ta bay traha si cu Cinema Bioscoop di Hulanda, unda cu nan ta bay bin Aruba pa hasi un proyecto di fotografia y duna un workshop di subtitulo.

 

 

- Advertisement -

DUNA COMENTARIO

Please enter your comment!
Please enter your name here