Home General SVb Curacao ta sigui tuma represalia contra su pensionadonan cu a dicidi...

SVb Curacao ta sigui tuma represalia contra su pensionadonan cu a dicidi di biba afo!

241
0
SHARE
- Advertisement -

Hopi malcontento cerca esnan biba na Aruba:

ORANJESTAD (AAN) – Pensionadonan cu bibando na Aruba ta ricibi un pida placa di AOV for di Curacao, unda nan a bira algun aña, ta masha indigna cu e forma cu Gobierno aya (lesa SVb) ta tratando nan.

Na prome lugar, nan a elimina e bonus di AOV for di aña pasa y na cuminzamento di 2017 nan a bahe cu 10%. Den e transcurso di e aña aki e mesun pensionadonan aki a ricibi un carta unda nan ta wordo avisa cu entrante Januari 2018 nan lo baha atrobe 9.9% di loke a resta cu ta un deduccion di belasting, siendo cu na Aruba nan ta paga impuesto caba riba e pida di pension ey, cu hunto cu esun di Aruba ta conta como entrada extra, pa esnan cu ainda ta trahando (danki Dios nan tin un trabao).

Nos ta papiando aki di sumanan entre 700 pa 350 florin. Depende cuanto aña bo a biba na Curacao, unda via bo trabao bo a paga bo AOV e tempo ey.

Personanan cu ta ricibi 400 florin a haya 150 florin menos. Imagina bo esnan cu ta ricibi 300 of menos. Y nan a bisa cu ta drenta na vigor entrante 1 di Januari, pero nan a kite for di e luna aki, pues e suma di December 2017.

Esaki ta un sorto di represalia contra e personanan cu despues di cual cantidad di aña cu ta, cu nan a biba na Curacao nan a dicidi bay biba den exterior. Pa tur e medida aki ta conta, no importa na unda nan a dicidi di bay establece of unda nan ta ora nan a haya derecho riba nan pension. SI DERECHO!

Si nan ta sigui asina, podise otro aña e pension pa esnan cu ta den exterior lo wordo completamente elimina. Asina bon para Curacao ta?

Algun pensionado cu a tuma contacto cu nos redaccion a subraya cu te ainda Aruba no a tuma tal decision di baha y baha e pension di esnan cu ta bibando afo, y cu tambe ta ricibi un pida pension aya. Ta conoci si, cu ora bo ta bay biba afo como un pensionado, SVb Aruba ta reduci un parti di e pension. Pero e pensionado ta wordo poni al tanto prome cu e abandona e pais. Tur cos ta wordo splica duidelijk, pero no ta asina cu nan ta kita full e bonus y cu tur aña ta keda reduci 10% di e suma chikito ey, y menos bao capa cu ta pa impuesto.

Ta inhusto cu si na Curacao e fondo di AOV tin problema di likidez, SVb aya oprimi riba e pensionado cu ta biba afo. Nan a traha duro y a aporta tambe na e fondo den tempo cu nan tabata balente trahador. Pakico awor, ta hustamente ta nan, tin cu paga e consecuencia?

DIARIO tin entendi cu dia nan a elimina e bonus y a kita e prome 10% di nan pension, algun pensionado cu ta cay den e grupo afecta, kier a lanta un caso contra SVb Curacao pero no por a yega ni porta di Corte. No tabata tin un abogado na Aruba cu por a yuda nan, mirando con caro nan tarifa ta. Hasta nan ta haya cu mayoria abogado na Aruba ta placa so nan ta mira, pero nan no tin sentido di humanidad.

 

 

- Advertisement -

DUNA COMENTARIO

Please enter your comment!
Please enter your name here