Home Salud SVb trasformando di un sistema burocratico tradicional na uno moderno digitaliza!

SVb trasformando di un sistema burocratico tradicional na uno moderno digitaliza!

32
0
SHARE
- Advertisement -

Proyecto Lidera pa Cristian Garcia:

ORANJESTAD (AAN) – Siguiendo cu nos entrevista cu Cristian Gardia, Medwerker Risico encarga cu Insurance Risk Officer na SVb, el a referi na e variable di riesgonan cu e Institucion tin den e parti financiero y administrativo.

Esakinan ta e riesgonan den e grupo di aseguradonan cu ta drenta den e sistema di SVb, tambe den e pagonan di e prima pa e beneficio cu ta e AOnan.

Tur e riesgonan aki ta atenta contra e salud financiero di e seguro y por tin como consecuencia cu den futuro no ta logra e seguridad, pa motibo cu no tin financiamento.

“Cada bez cu tin un cambio of introduccion di algo nobo na SVb mi ta zorg pa mi por tin un siguimento di kico ta pasando, si e tabata of no un bon decision. Pues, tur tipo di analisis y monitoreo”, e hoben a subraya.

Asina na final por restaura y Gerencia por tuma un decision riba diferente tema.

“Den 2016 nos tabata tin hopi cambio manera introduccion di un boet administrativo, aumento di prima di loongrens y diferente intercambio di informacion cu DIMAS cu a cambia masha hopi mes y a trece hopi asegurado aden. Ta personanan cu tabata trahando pero cu nunca a asegura”, Cristian Garcia a señala. El a reitera cu 2016 tabata un aña di hopi cambio y cu SVb ta keda monitor esakinan. E cambionan aki a trece efectonan riba e aspecto financiero y administrativo di e fondonan, cual ta parti di e trabao cu Cristian ta eherce na SVb.

“Banda di esey tambe, den mi funcion mi ta maneha diferente proyecto. Manera mi a splica ora mi a cuminza mi tabata ‘Risico Medewerker’ y mi a logra trece e proyectonan cu mi a wordo encarga cu nan, basta bon y hiba nan hopi dilanti y ainda mi ta lidera. Tin otro colega ta haci e trabao pero bao di mi liderazgo.

Banda di mi trabao como funcionario di riesgo mi ta lidera hopi proyecto cu Director a desea pa mi conduci”.

Cristian tin un capacidad grandi no solamente pa lider proyecto pero pa termina nan. “Esey ta un parti hopi importante, cu por termina un proyecto y no cu e proyecto ta keda anda sin trece ni un fruto y yega na mitad caminda”, e hoben a acentua.

DIGITALIZACION:

Otro proyecto cu Cristian Garcia ta lidera ta esun di digitalizacion di SVb, cu ta trahando poco, poco riba e vision 20-20 cual ta e transformacion di e organizacion.

Esaki ta nifica cu SVb ta transformando di e sistema burocratico tradicional na uno moderno digitaliza.

MAYOR BENEFICIO:

“Actualmente, e beneficionan cu nos tin riba e proyecto di digitalizacion cu nos tin aworaki, ta e parti externo. Kiermen e ta bira mas tanto pa e doñonan di trabao. E parti interno ainda ta tradicional, cu hopi papel, pero nos ta purbando di trece e cambio akinan”, e hoben a subraya.

———————–

- Advertisement -

DUNA COMENTARIO

Please enter your comment!
Please enter your name here