Home Social SVGA y Flora a bini hunto pa un bon causa

SVGA y Flora a bini hunto pa un bon causa

38
0
SHARE
- Advertisement -

ORANJESTAD(AAN)– Stichting voor Verstandelijk Gehandicapten Aruba (SVGA) a organisa Diabierna, 1 di December, un caminata cu e sosten di Flora pa asina entrega e tratado di derecho nan di persona nan cu limitacion na miembro nan di parlamento y gobierno. E tratado a wordo entrega na Plaza Padu sigi pa e caminata den centro di cuidad pa demostra cu ta importante pa SVGA ta visibel den e comunidad di Aruba.

Diadomingo, 3 di December, ta dia internacional di hende cu limitacion. Derecho di hende cu limitacion tin cu wordo cumpli ainda na Aruba y pa esey ta importante pa nos pone atencion na e causa aki. Flora a aporta cu sponsorship di t-shirts pa sigura cu e grupo ta visibel y uni durante e caminata.

Flora ta kere den e causa pasobra e comunidad di Aruba ta importante pa Flora especialmente e grupo cu no ta haya e atencion debido. Els van Homelen, directora di SVGA, ta comenta: “Masha danki na Flora y ta hopi great cu nos a haya e apoyo di comunidad paso sin e sosten aki nos no por haci nada.”

Flora ta para cu dos pia den e comunidad di Aruba y ta bay sigi duna sosten na iniciativa nan social. Pa mas informacion tocante e causa aki y con bo por duna bo sosten bishita e Facebook pagina: Stichting Verstandelijk Gehandicapten Aruba.

- Advertisement -

DUNA COMENTARIO

Please enter your comment!
Please enter your name here