Home Turismo Tin den plan cuminza bula pa Colombia y tambe pa New York

Tin den plan cuminza bula pa Colombia y tambe pa New York

97
0
SHARE
- Advertisement -

Frank Arends di Aruba Airlines:

ORANJESTAD   (AAN): Despues cu oficialmente Aruba Airlines a baha oficialmente na Corsow, segun Frank Arends, e tabata hopi bon. Corsow ta bayendo hopi bon. A haci dia 25 cu a pasa, un luna cu ta operando Corsow y e reaccion ta hopi bon pa e comienso.

Ta operando actualmente 80% di e ocupacion cu nan tin. Awor den e temporada aki e movecion ta subi mirando fin di aña. Nan tin hopi booking caba pa e tempo di carnaval y tambe fin di aña pa bin Aruba of bay Corsow, caminda famianan ta bishita otro.

Ta hopi contento riba esey, entre e vuelo Aruba-Corsow. Awo pa Boneiro, prome cu a cuminsa cu e vuelo comercial a haya yamada for di e fundacion cu ta pa e hendenan cu tin cu bin pa tratamento medico na tanto Corsow y Aruba, Aruba Airlines a wordo acerca y a bisa cu lo bay mesora, haci e vuelonan aki, pasobra tin dos avion. Un ta para na tera pa standby, pero por uz’e. E ora a bisa cu lo bay drenta den e negoshi aki cu e fundacion encuestion.

Ta premira cu na Januari, aparentemente sra. Zambrano di e fundacion, a bisa cu ya caba e tin pensa di bin Januari Aruba pa por cera un deal riba cada trayecto pa por bula of tin cu bay pone un vuelo kisas adicional pa por haci esakinan tambe.

2018 lo bay ta un aña hopi decisivo pa e compania, pasobra tin den mente pa bay zuid. Tin den plan Colombia, pero ta bezig ta wak ki destinacion lo scoge. Bogota ta hopi satura. Tin tres aerolinea ta bulando Bogota y tur e pasaheronan cu tin cu bay Medellin, Baranquilla, Cartagena, etc., tin cu bay via Bogota y ta haciendo un estudio.

Ya caba a haci esaki y ta solamente scoge entre tres destinacion, cua e lo bay bira, of Cartagena, Baranquilla of Medellin. Esey ta loke e estudio a duna, cuanto hende ta viahando durante luna, durante aña via Bogota, pa e tres luganan aki, cu ta mas tanto hende cu ta haya na Aruba.

Ta bay cuminsa cu e ruta Colombia y tambe tin caba den achterhoofd un aña pasa, y e aña aki cu lo bay bula mas nort, cu ta New York of New Jersey. Pero esey ta un biaha mas cu ayudo di un ekipo mas.

Tin ekipo awor aki net pa opera locual cu nan tin y cu e ekipo extra cu ta bay trece den e servicio, lo tin cu haci Colombia, conhuntamente Aruba y bayendo nort. E ta sali for di Colombia, sali for di nort, yega Aruba, bay Colombia, regresa Colombia bin Aruba, bolbe bay New York, overnight, y asina e ta sigui. Ta un operacion cu tin planea caba y tin 2018 pa concretisa e plan eynan.

Arends a splica cu nan a sali di problema. Tabata tin un parti caminda cu nan tabata tambalea un tiki, pero a sali di e problema ey. Awor aki por bisa 100% bek on track y ta dilanti nan ta bay. Nan no ta hala atras, pasobra tin e manera pa sigui.

 

- Advertisement -

DUNA COMENTARIO

Please enter your comment!
Please enter your name here