Home General Tin duda riba e forma cu ta buscando operador nobo pa aeropuerto...

Tin duda riba e forma cu ta buscando operador nobo pa aeropuerto parti zuid

15
0
SHARE
- Advertisement -

ORANJESTAD  (AAN): Efi Tromp tambe a haci un oferta pa loke ta e futuro manehado di General Aviation, esta e parti di aeropuerto pazuid di nos isla. Efi Tromp ta un persona conoci na Aruba den mundo di aviacion.

E ta un poco preocupa cu cierto desaroyonan cu a tuma luga. Principalmente ora cu tende cu ya caba, aunke cu tin mas hende a bid, ya ta wordo bisa kende a gana e bid. Hasta doño di curpa mes tabata cana gaba na aeropuerto compaña pa comerciantenan y hendenan conecta cu Gobierno.

E ta conta cu tur interesado a haya e condicionnan for di AAA y tur a haci nan bid segun condicionnan cu ta poni den acuerdo cu AAA ta exigi pa por aplica pa e bid pa e operacion. Tambe Tromp ta representa un di e companianan cu a manda su bid aden masha potencial.

Pero aparentemente a yega di bin tende cu tin un comerciante, mas full un delegacion hunto cun’e y un persona clave cu tin un FBO na Venezuela, y hasta a parti business card rond y bisa e empleadonan cu nan tin cu aplica, ya cu ta nan a haya e bid.

Tromp no ta kere con AAA por presta su mes pa cierto cosnan cu no ta di acuerdo cu e condicionnan poni den e oferta y e ta zona poco straño cu ya, si decision mester wordo tuma dia 18 di December, e ora lo sa ken lo hay’e. Pero ya nan a presenta nan mes, haci full un oferta, na unda cu nan a bisa e empleadonan cu nan mester aplica cerca nan.

Tromp no ta kere cu AAA ta presta su mes pa sorto di bagamunderianan asina, el a ripiti.

Si ta berdad cu e personanan aki a hay’e caba of lo hay’e, no ta bal la pena bid mes. Nan ta 12 interesado y tur a manda nan bid aden, pendiente ken ta bay hay’e dia 18 di December proximo.

Tin di compronde cu riba e dia di entrega bid, ya caba su mesun atardi, por a mira e inversionista di fam Martinez, ta cana rond cu minister Otmar Oduber y tambe un comerciante local den e area di General Aviation. Awo tin cu duna tempo tempo pa mira si en realidad dia 18 di December, e persona aki mes lo bira e manehado oficial of e bid lo sigui den e rumbo cu e ta suppose di cana.

 

- Advertisement -

DUNA COMENTARIO

Please enter your comment!
Please enter your name here