Home Salud Tin factornan cu ta pone cu e gastonan di AZV ta sigui...

Tin factornan cu ta pone cu e gastonan di AZV ta sigui crece

115
0
SHARE
- Advertisement -

Segun director:

ORANJESTAD   (AAN): Si mira aumento di gastonan di AZV for di 2010, te cu 2015, e ta asina cu bo ta mira un aumento den e gastonan masha modera. Un averahe di entre 2.5 te cu 3%. Mester pensa cu prome cu esey tabata tin aumento di rond di 6, tin biaha hasta 7%, segun director di AZV, Anko Ringeling.

Aumento di gastonan a baha, pero esey no ta kita cu anualmente tin un aumento. Esey ta e reto, con ta controla e aumento, pasobra e gastonan ta keda aumenta door di e poblacion cu ta creciendo, door di introduccion di tecnologia medico nobo y mas caro. Asina tin diferente factor cu ta trece cun’e cu e gastonan ta sigui crece. E reto ta, pa e controla e aumento di gastonan.

Pa e añanan venidero, AZV ta premira un aumento un poco mas halto. Esey tin haber cu algun di e proyectonan nobo, manera radioterapia na Imsan, e renobacion di hospital. Asina ta cu esey ta desaroyonan nobo cu ta pone cu ta premira pa e añanan venidero un aumento un poco mas halto, cu ta alrededor di 4 pa 5%, enbes di e 2.5 pa 3% den e añanan anterior.

Ringeling a sigui splica cu si ta haya cu mester mas, den e caso aki specialista, ta comunica cu hospital, ta wak kico nan ta pensa. Si ta di acuerdo, e ora eynan e pregunta ta, ta un specialista cu ta bay en servicio di hospital, e ora ta hospital ta haci e werving.

Ta bay busca un persona. Si ta un specialista cu por traha riba su mes, es decir hunto cu otro coleganan, pero den vrije vestiging (independiente), no den servicio di hospital, e ora AZV, hunto cu e grupo di specialista concerni, e vakgroep, ta busca un candidato.

 

- Advertisement -

DUNA COMENTARIO

Please enter your comment!
Please enter your name here