Home Salud Tin hopi hende na Aruba cu no kier haci test di HIV

Tin hopi hende na Aruba cu no kier haci test di HIV

37
0
SHARE
- Advertisement -

ORANJESTAD(AAN): John Henriquez ta traha na Departamento di salud publico den e seccion di malesanan contagioso y ta conta ken ta e personanan cu tin cu test pa HIV. Esnan cu tin cu haci test, ta tur persona cu ta sexual activo, y no ta haci uzo di proteccion, nan ta esun cu mester test. Hopi biaha ta haya personanan cu no kier haci’e.

Di con?  Kizas hopi ta haya e parti di berguensa ta hunga un rol, cu e personanan aki, nan no kier bin na Salubridad Publico y haci un test. Berdad nan no kier sa tampoco kico nan status ta. Pero ta bon si pa haci e test y asina eynan sa kico bo status ta. Y si asina bo ta infecta cu HIV, lo bo por bay cerca un dokter pa bo worde trata e ora ey.

E test bo por haci’e na dokter di cas. Tambe bo por haci e test na Salubridad Publico. Ta un test anonimo. Ora cu bay eynan, cu haci e test, laboratorio of otro personanan no ta haya sa cu bo a haci un test. Ta conserva tur dato anonimo. Tambe por haci e testnan riba tur diabierna, na e Interne Praktijk na Shocohin. Un di e internistanan ta haci e test y eynan mes bo por haya bo resultado pa bo sa bo status e ora eynan.

E casonan na Aruba, bo ta haya tur aña cu ta bin acerca. Banda di dje, ultimo tambe bo ta haya e parti di demas malesanan cu a subi, manera gonorea, sifilis, clamidia. Eynan bo ta mira cu dado momento uzo di proteccion no ta manera cu e mester ta. Si dado momento bo ta proteha bo mes bon, bo no ta yega na un di e malesanan aki. Tin biaha bo ta haya e mucha muhenan ta bisa cu e ta uza de Pill. Bo mag di uze, pero semper banda di dje, bo mester haci uzo di e proteccion, pa bo por proteha bo mes pa evita pa haya HIV of infecta cu un di e malesanan transmiti sexualmente.

Na Aruba te cu awor aki na e departamento di salud publico, tin registra 752 persona, for di aña 1987 te cu awor aki. E casonan aki eigenlijk ta mas. E por ta un poco mas cu e cifra ya menciona.

WHO ta bisa, cada caso nobo, bo tin cu multiplik’e cu 10. E por ta awor aki cu tin 7552 persona ta cana rond cu HIV. Pero den e casonan registra aki, tin personanan cu no ta biba na Aruba mas y bo tin esnan cu a fayece tambe caba.

Si bay wak un rato den e casonan di esnan cu ta bin test, djis pa bay check den historial, a bay te cu aña pasa. Por a saca afo cu tabata tin 77 persona so a bin pa haci nan test. Compara cu e aña aki, tin 54 persona so a bin. Ora cu e personanan bin haci nan test, tin un averahe di 1 pa 2 persona cu ta gara cu HIV e ora eynan. Loke cu ta haci si ta, ta duna nan guia y ta verwijs nan cerca un di e internistanan. Nan ta bay sigui cu e parti di tratamento y e resto di testnan pa loke ta e personanan aki.

Fuera di esey, tambe locual cu Dienst Besmettelijke Ziekte ta haci, ta duna charla na school, ta duna charla na empresanan priva y tambe na e momento cu aña ta habri, ta drenta den temporada di Carnaval. Ta duna charla, conhuntamente cu FADA. Nan ta organiza un carousel na cierto schoolnan secundario y e ora eynan ta trece e parti di malesanan transmiti sexualmente. Esey ta e parti cu ta presenta e ora eynan.

E personanan ta yega na Departamento di Malesanan Contagioso pa haci test, pasobra dado momento nan a scucha cu tal persona por tin algo, miho bay test. Of tin di nan ta bisa tabata tin relacion sexual, pero e condoom a kibra. Tambe ta bin test. Of si nan ta bisa cu un hende of otro persona cu nan tabata tin relacion sexual cu nan, a pidi pa bay haci test. Asina eynan ta gara e personanan cu ta bay eynan. Tin biaha bo ta haya personanan cu ta bay eynan ta tene relacion sexual y de bes en cuando no ta uza proteccion, e ora nan ta bin un biaha pa aña y ta haci e test.

 

- Advertisement -

DUNA COMENTARIO

Please enter your comment!
Please enter your name here