Home Cultura Tremendo festival di Canto navideño di Centro di Bario Noord

Tremendo festival di Canto navideño di Centro di Bario Noord

33
0
SHARE
- Advertisement -

ORANJESTAD (AAN): Pa prome biaha Centro di Bario Noord a tene un festival di canto pa muchanan. E tabata un anochi exitoso, na unda un publico basta grandi a presenta pa apoya y scucha nos muchanan canta cancionnan di pasco. Mayoria di nan pa prome biaha ta canta dilanti un publico y nan a hacie tremendamente bon. Tabatin 3 categoria.

Den categoria di 4 pa 6 aña Amelia Kamperveen a resulta e ganador absoluto cu su cancion Mi amigo fiel. Di dos luga a bay pa Moses McCollum cu En el Polo Norte. Xialing Tromp a sali na di tres luga cu su cancion No bisami ayo.

Den categoria 7 pa 9 aña ta Caylee Hooker a bay cu e prome luga cu Mi pesebre. Zaylee Illis a sali na di dos luga cu e cancion Cushina di Mami. Di tres luga a bay pa Mia McCollum cu Mi primer Noel y Ezahayra Arteaga na di 4 luga cu Wela.

Den categoria 10 pa 12 aña ganador tabata Gismary Linarez cu Amigos del Mundo. Jeshua McCollum a sali na di 2 luga cu e cancion Bendiciona.

 

- Advertisement -

DUNA COMENTARIO

Please enter your comment!
Please enter your name here