Home Hudicial Trio muher Hulandes gara cu 14 kilo di cocaina condena na 2...

Trio muher Hulandes gara cu 14 kilo di cocaina condena na 2 aña y 6 luna di prison

266
0
SHARE
- Advertisement -

Corte Superior a confirma castigo

ORANJESTAD – E ultimo caso di apelacion a tuma lugar e siman aki caminda Hof di Corte Superior a dicta sentencia den e apelacion di Ministerio Publico riba e sentencia di Corte den Promer Instancia contra e tres muhernan Hulandes, W.V., S.O. y R.K.

GAÑAMENTO A SALI NA CLA

DIARIO a cubri tratamento di e caso aki den Corte den Promer Instancia caminda e mama di W.V., S.O. lo a bisa cu e no sa nada di transporte di droga y cu el a bin cu su yiu W.V. pa vacacion na Aruba y lo keda cu e yiu muher chikito di W.V. Segun S.O., ta na aeropuerto el a haya e sorpresa cu den su maleta tabatin un cantidad di cocaina. En total ta papia di 14 kilo di cocaina.

Den Corte Superior tur cos a dal un buelta di 180 grado, caminda e acusado R.K. a dicidi di papia e berdad. A resulta cu ta W.V. a topa cu un tal Alex for di Inglatera, kende a propone pa bay busca droga for di Aruba y hiba Inglatera. W.V. lo a bisa R.K. cu segun e tal Alex, lo ta mihor pa W.V. biaha cu su yiu muher chikito, su mama S.O., y cu R.K. pa asina mustra manera ta un famia a viaha. W.V. a pidi su mama S.O. y su amiga R.K., si nan kier bay. E momento ey tabata papia di 6 kilo di cocaina.

PLAN PA BUSCA DROGA

Nan a papia diferente biaha riba e transportacion di droga. E combersacionnan a tuma lugar na cas di R.K. y tambe na cas di W.V. y e mama S.O. E plan tabata cu W.V. lo transporta 3 kilo y R.K. 1,5 kilo y S.O., 1,5 kilo di cocaina. Tambe a papia riba e funcion cu cada un lo tin den e transporte di droga aki. R.K. lo yuda W.V. cu e maletanan, e mama di W.V., S.O., lo keda cu e yiu muher chikito di W.V.

MALETANAN CARGA CU COCAINA

Nan a hasta bay Inglatera pa reuni cu Alex y despues a biaha bin Aruba. Na Aruba W.V. a papia cu un tal Esteban, kende a cambia nan maletanan pa maletanan prepara cu cocaina. Dia 6 September 2016 nan a bay aeropuerto cu e intension pa biaha pa Inglatera y miembronan di Douane a descubri e maletanan carga cu cocaina. E 6 kilo cu nan a palabra, a resulta di ta 14 kilo.

CONFIRMA CASTIGO

Ta asina cu Procurador General interino a exigi den Corte Superior pa subi e castigo di 2 aña y 6 luna pa 3 aña di prison. Hof di Corte Superior ta haya cu enberdad e castigo lo mester tabata mas pero ta compronde y comparti e punto di bista di Corte den Promer Instancia entre otro cu nan no tabata sa cu tabatin 14 kilo y cu ta promer biaha cu nan ta cay pa un caso di droga.

Hof a condena e trio R.K., W.V. y S.O. na 2 aña y 6 luna di prison pasobra ta hunto nan a biaha pa transporta e droga.

 

- Advertisement -

DUNA COMENTARIO

Please enter your comment!
Please enter your name here