Home Policial Tur aña polis a bira mas streng riba bendemento di klapchi

Tur aña polis a bira mas streng riba bendemento di klapchi

114
0
SHARE
- Advertisement -

Liliana Rasmijn, vocero di Cuerpo Policial:

ORANJESTAD (AAN): Segun vocero di Cuerpo Policial, Sra. Liliana Rasmijn, tur aña polis ta bira mas streng riba bendemeno di klapchi. Manera cu aña habri, nan ta sinta cu tur bendedor y exportadornan di klapchi y toch tin biaha cosnan ta keda pasa.

Si berdad e aña aki tin 83 permiso cu a wordo solicita, no ta tur 83 lo haya nan permiso, pasobra hopi biaha a duna nan advertencia y toch durante aña tin containernan cu no a wordo kita, y nos a tuma un decision cu ta basta. Seguridad di pueblo ta na prome lugar!

E kier a recorda cu e parti di benta ta cuminsa dia 27 di December te cu 31 di December. Pa esnan cu mester busca nan permiso di benta, esaki a cuminsa caba desde di 4 di December, y nan por acudi na warda di polis di Noord entre 8’or am pa 12’or pm  y 1’or pm pa 4’or pm.

Sra. Rasmijn a pidi pa e permiso ta poni na un caminda visible pa ora di controla, asina nan por controla si e permiso tin adres corecto y e persona su nomber, tambe nan a haci un suplica pa no bende muchanan bao di 12 aña klap, si nan no ta den compania di un adulto. Tur aña tin accidentenan cu ta pasa, hospital ta druk, muchanan ta wordo herida cu klapchi y nan kier evita e incidentenan aki.

E ta enfatiza cu horario di benta ta di ora solo sali te cu 9’or di anochi. Kiermen si nan pasa y haya e lugar habri despues di hora stipula, e lugar lo wordo sera y nan lo duna e doño un advertencia, pero nan tin derecho di kita e permiso di benta tambe.

E ultimo dia pa tira klapchi ta dia 1 di Januari pa 1’or di merdia, pa cualkier evento special cu uso di klapchi, mester pidi un permiso pa haci esaki.  Corda cu si bo tira klapchi 1 di Januari despues di 1’or, bisiñanan tin derecho di yama polis.

- Advertisement -

DUNA COMENTARIO

Please enter your comment!
Please enter your name here