Home Turismo Turismo for di Venezuela a keda cay mientras esun di Merca a...

Turismo for di Venezuela a keda cay mientras esun di Merca a subi mas cu ATA a proyecta

19
0
SHARE
- Advertisement -

Director di ATA sra. Ronella Tjin Asjoe-Croes:

ORANJESTAD (AAN) – Sra. Ronella Tjin Asjoe-Croes, Director di ATA, ta splica riba desaroyonan di 2017 manera e turismo for di Venezuela, na unda tabata tin un continuacion di cierto retonan y tambe a mira oportunidadnan nobo cu ATA a sa di categoriza di dje.

E prome indicador, cual no ta esun di mas importante, ta e cantidad di bishitante. E mercado di Venezuela ta sigui den caida. De facto, for di September, turismo a base mensual a mustra crecemento. E impacto di e caida di Venezuela, a wordo mitiga. Pero mas importante ta, manera el a bisa na varios ocasion, cu mester compensa esey.

Na tur momento mester zorg pa e no afecta entrada pa medio di turismo. Esey kiermen cu mester a activa otro mercadonan mas, y principalmente Merca. E retorno di mas inmediato ta bin for di e mercado Mericano. A pone un meta di crecemento di 5% pa Merca, pero e meta a keda redobla, cu e resultado cu ATA a sa di boek e aña aki.

Tambe ATA ta wak un crecemento Norteamericano, incluyendo Canada, e continente Europeo y e mercado Latinoamericano. Den cantidad, segun Sra. Croes, por lo general esaki a move hopi bon y conforme locual nan a planifica. Di parti di Merca, a drenta mihor resultadonan di loke a wordo proyecta.

Pa loke ta entrada pa medio di turismo, a proyecta un crecemento di sikiera 1 % e aña aki, pa asina sali for di e caida cu por a mira, pero tambe atrobe, mara na Venezuela y drenta un fase sigur di crecemento. Esaki tambe a surpasa e expectativa y te cu Juni, Banco Central a raporta un crecemento di 4.8% den cantidad di Tourism Receipts.

Esaki tambe, ta mara na resultado cu AHATA tambe ta raporta. En berdad, hotelnan a proyecta un crecemento di 3.5% den REV part, cu ta e entrada promedio pa camber. Esaki te cu October of November a mustra un crecemento di 10%. Esaki ta triplifica loke a wordo proyecta, segun Sra. Ronella Tjin Asjoe- Croes, CEO di ATA.

 

- Advertisement -

DUNA COMENTARIO

Please enter your comment!
Please enter your name here