Home General Ultimo pida di Ex Bushiri Hotel a wordo basha abao

Ultimo pida di Ex Bushiri Hotel a wordo basha abao

188
0
SHARE
- Advertisement -

ORANJESTAD (AAN) —Ya for di Diasabra a cuminsa cu loke tabata trata Bashamento di e ultimo parti di loke a resta di ex Bushiri Hotel. Dialuna e trabaonan a continua y ya pa 2 or di merdia, e ultimo pida cu tabata e hala mas pabou, a entrega spada, despues di a wanta duro pa basta rato.

Representantenan di e compania encarga pa basha e edificio di ex Bushiri abou, tabata presente, pa asina percura cu tur e trabou di demolicion, a bay manera cu tabata planea.

Na un banda di e tereno, por a wak un machine trahando, cual na su turno, tabata carga e trucknan cu e restonan di e ruina di ex Bushiri Hotel.

E proyecto aki, ta ariba contract, cu pa prome cu Pascu, tur e trabaonan di demolicion pa e edificio aki, mester ta completamente finaliza.

Un persona di habla hulandes, a acerca reportero di DIARIO y tabata cuestiona masha tanto mes, cu loke ta wordo haci na e sitio aki, ta for di un control debido, mirando e halto porcentahe di asbesto cu tin na e lugar aki.

Por a wak un persona cu posiblemente lo tabata tin e lugar aki como su hogar pa un tempo y awo mester wak con esaki ta wordo basha abou. Aruba por bisa ayo na ex Bushiri Hotel, cu sigur a percura pa e tempo cu e tabata existi, como un di e hotelnan cu a percura pa hopi historia y bunita recuerdonan y cu na final a caba na bira un chollerhouse, pa hopi di nos personanan cu problema di un lugar pa biba y adiccion.

- Advertisement -

DUNA COMENTARIO

Please enter your comment!
Please enter your name here