Home Parlamento Un bez cu ministernan no tin mas e posicion ey tampoco nan...

Un bez cu ministernan no tin mas e posicion ey tampoco nan tabata tin trabao mas

65
0
SHARE
- Advertisement -

Esnan cu a traha cu ministernan tabata sa:

ORANJESTAD (AAN)—Den conferencia di prensa di fraccion di MEP, Dialuna, Parlamentario Shailiny Tromp-Lee a amplia tocante e tema di dunamento di trabao vast for di e gobierno anterior na coordinadornan, durante periodo demisionario, contra locual ley ta stipula.

Tromp-Lee a expresa cu e kier a dirigi na e politiconan saliente e pregunta, si nan tabata conciente cu ora nan a tuma e personanan aki den servicio, nan no tabata tin autoridad mas pa haci esaki?

E dama a remarca cu nan tabata conciente cu tur esnan cu tabata traha den nan ministerio, un bez cu nan minister no ta sinta mas den e posicion, nan tampoco tabata tin trabao mas.

E ta bolbe puntra: “Pakico warda for di Juli te awor pa percura pa formaliza nan posicion, of tuma un hende den servicio, pa despues ‘after all’ label tur esakinan como persecusion politico? Mi ta haya falta di madurez politico y awor esnan tambe cu ta bisa cu cuater, ocho of dieseis aña pasa otronan tambe a hacie, mi ta contesta mesun cos cu mi colega: nos ta para responsable pa e situacion. Awor, si como persona, politico, of hende nos no por para responsable pa mal maneho y mal cumplimento”, e Parlamentario a subraya.

El a agrega cu si debidamente e gobierno anterior tabata sa cu un di e gastonan di mas grandi di pais Aruba ta e gastonan di personal (33%) y si nan a palabra internamente y cu Caft entre otro, cu nan ta bay mantene e gasto aki y no por a percura pa esaki, y no por a cumpli cu e norma di 0.5% ta falta di e gobierno y e maneho cu el a hiba, entre otro, di no por a mantene e gastonan di personal na e suma indica den e presupuesto cu nan mes a presenta pa keda aproba.

- Advertisement -

DUNA COMENTARIO

Please enter your comment!
Please enter your name here